MATIUS 22:46 - WUKE SUSI WATTI'U AL᷊AL᷊USASSA

⁴⁶ Tawe saran sangkatou wotongnge naasimbakka Mawu Yesus. Wuṛṛu nanattakka allo udde, tawedu lai waṛṛani maiwal᷊o manga apa si Tou.

MATIUS 22:46 Referans Kwoze

MARKUS 12:34

Mawu Yesus naasilo manungku hurun agama udde suete sinumimbakka ringannu mapia atonna. Wuṛṛu Mawu Yesus nabbisara si tou, “I'o maranite maola'a lal᷊oṛṛon araratuannu Ruata.” Wua'udde tate saran sangkatou lai apan waṛṛani mapaasabangngu aiwal᷊o su Mawu Yesus.

LUKAS 20:40

Ana waugu udde i mangitou tawe waṛṛani lai maiwal᷊o manga apa su Mawu Yesus.

LUKAS 14:6

Arawe tawe saran sangkatou wotongnge sinumimbakka Mawu Yesus su ola'u hatto udde.

WATTI'U MANGA RASUL 4:14

Arawe i mangitou tawe naasinaukka saran adio'a, ana waugu taumata apan suete niapaapia udde uarisikka lai isudde su saruanni mangitou suadio'a ringanni Petrus wuṛṛu i Yohanes.

LUKAS 13:17

Sasimbakku Mawu Yesus udde naasili atonna manga ro'amme; arawe anambon taumata waine lulluassa naasilo al᷊awo'u al᷊aṛṛindu'a apan niola'u Mawu Yesus.

MATIUS 21:27

Nariaddi i mangitou sinumimbakka, “I yami wagga.” See Mawu Yesus nabbisara si mangitou, “Amungkangngu aroddi Ya'u lai tawe mabbal᷊o si yamiu ringannu taṛṛinon sai Ya'u ma'ola'a al᷊awo'u inolaanna indi.”

MATIUS 22:45

Nariaddi amungkangngu i Daud, mannaggon Ratum Punnu Sal᷊amatta udde ‘Mawu’, ereapa wotongnge i tou papapulunni Daud?”

WATTI'U MANGA RASUL 7:32

‘Ete i Ya'u Ruata iupungngu al᷊amonanu; i Ya'u Ruatan Abraham, Ishak, wuṛṛu Yakub.’ I Musa nangindon atata'utta na'oman sara i tou tate waṛṛani ma'ellega anggaṛṛumunanne udde.

LUKAS 14:4

Manga hurun agama wuṛṛu taumatan Farisi udde nallannaba. See Mawu Yesus namaggo taumata udde wuṛṛu niapaapiaten tou, wua'udde i tou nirolokke niapaapul᷊e.