MATIUS 22:21 - WUKE SUSI WATTI'U AL᷊AL᷊USASSA

²¹ “Kaisar,” sasimbakki mangitou. Ne Mawu Yesus nabbisara si mangitou, “Amungkangngu aroddi, onggol᷊a'e si Kaisar apa apan tatahuananni Kaisar wuṛṛu onggol᷊a'e su Ruata apa apan tatahuannu Ruata.”

MATIUS 22:21 Referans Kwoze

ROMA 13:7

Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.

WATTI'U MANGA RASUL 4:19

Arawe i Petrus wuṛṛu i Yohanes sinumimbakka, “Ṛingiṛṛa'e sassane apa apan ṛinone su saruannu Ruata: tumuṛṛuttu parenta manga mawu ara'e tumuṛṛutta parentan Ruata.

AMSAL 24:21

Ana'u, ata'uten Mawu, wuṛṛu pangaddate ratu. Arie pallaṛṛenggennu taumata lal᷊eo apan lullawangnga si mangitou.

MATIUS 22:37

Mawu Yesus sinumimbakka, “Pandangngu Mawu Ruatanu ringannu ahewallu naungngu wuṛṛu ahewallu apulunu wuṛṛu ringannu al᷊awo'u apandenu.

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

WATTI'U MANGA RASUL 5:29

I Petrus wuṛṛu manga rasul apan baine sinumimbakka, “I yami ṛinone tumuṛṛutta Ruata wuṛṛu wal᷊ine tumuṛṛutta taumata.

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

MATIUS 22:20

Mawu Yesus naiwal᷊o si mangitou, “Hambaranna wuṛṛu aranni sai indi?”

MARKUS 12:17

“Ne, amungkangngu aroddi,” wisara Mawu Yesus, “onggol᷊a'a si Kaisar apa apan tatahuanannu Kaisar, wuṛṛu onggol᷊a'a su Ruata apa apan tatahuanannu Ruata.” I mangitou naherangnga naaringikka si Tou.

LUKAS 20:25

“Amungkangngu aroddi,” unnu Mawu Yesus si mangitou, “onggol᷊a'e si Kaisar, apa apan tatahuananni Kaisar wuṛṛu su Ruata, apa apan tatahuannnu Ruata.”