MATIUS 21:15 - WUKE SUSI WATTI'U AL᷊AL᷊USASSA

¹⁵ Arawe manga imam tembonanne wuṛṛu manga hurun agama nasa'u naasilo manga al᷊aṛṛindu'a niola'u Mawu Yesus. Wuṛṛu i mangitou nasa'u lai naaringikka manga al᷊aṛṛana'a mangke u'ui su Wal᷊e Mawu, “Awawantuga su Ana'i Daud!”

MATIUS 21:15 Referans Kwoze

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

YOHANES 12:19

Ne manga taumatan Farisi uawawisarate sangkatou ringannu sangkatou, “I ite tawe mapa'ola'a apa-apa! Pa'ellege, anambon lal᷊oṛṛon runia uatantalongnga si Tou!”

YOHANES 11:57

I mangitou nabbisara aroddi ana waugu manga imam tembonanne wuṛṛu manga taumatan Farisi suete namarenta manungku taumata apan masingkattu tampa Mawu Yesus, ṛinone mabal᷊o tadea'u i Tou wotongnge sametanna.

YOHANES 7:42

Sulal᷊ummu Wuke Susi uawoṛṛetta manungku Ratum Punnu Sal᷊amatta udde sinossoṛṛanne wuassi Daud wuṛṛu sarun dumanta wuassu Betlehem, eteudde soa atatanaanni Daud.”

YOHANES 4:1

Manga taumatan Farisi naaringikka manungku Mawu Yesus naasomba wuṛṛu mannaṛṛani mannamboanne wuassu mallal᷊aṛṛenggenni Yohanes. (

LUKAS 22:66

Su rua'allone, manga piaṛṛa'u taumatan Yahudi, manga imam tembonanne, wuṛṛu manga hurun agama naammulla, see Mawu Yesus niapidda su saruannu Mallaṛṛuungngu Agama mangitou.

LUKAS 22:2

Manga imam tembonanne wuṛṛu manga hurun agama tantal᷊anna maddea'a lal᷊anne mamate Mawu Yesus ringannu mal᷊anna-l᷊annaba, ana waugu i mangitou matta'uttu taumata nambo.

LUKAS 20:1

Su sambau allo, Mawu Yesus tantal᷊anna mangngaṛṛa'a wuṛṛu mabatti'u Watti'u Al᷊al᷊uassa wuassu Ruata su manga taumata sulal᷊ummu Wal᷊e Mawu. Manga imam tembonanne, wuṛṛu manga hurun agama su sambau ringannu manga piaṛṛa'u Yahudi, nirumanta

MARKUS 11:18

Manga imam tembonanne wuṛṛu manga hurun agama naaringikka wisara udde. Ne i mangitou nanattakke maddea'a lal᷊anne ipamate Mawu Yesus. I mangitou matta'utti Tou, ana waugu awada'alla naherangnga naaringikka al᷊aṛṛang-Nge.

MATIUS 27:20

Arawe manga imam tembonanne wuṛṛu piaṛṛa'u Yahudi mangke mammata'u taumata nambo udde, iaparorongnga si Pilatus tadea'u i Barabas ipallossa wuṛṛu Mawu Yesus iṛṛuumanna sara mate.

MATIUS 27:1

Ruaallo atonna, manga imam tembonanne wuṛṛu piaṛṛa'u Yahudi naṛṛawesse manungku Mawu Yesus pateanna.

MATIUS 26:59

Manga imam tembonanne wuṛṛu anambo Mallaṛṛuungngu Agama mangke mammata'a maasomba tatiala awusu apan botongnge maṛṛawessa manungku Mawu Yesus iṛṛuumanna ma'oman sara mate.

MATIUS 26:3

Su tempo udde manga imam tembonanne wuṛṛu piaṛṛa'u Yahudi maammulla su wal᷊en araratuannu Imam Bahewa Kayafas.

MATIUS 22:42

“Apa adapatti yamiu su ola'u Ratum Punnu Sal᷊amatta? Papapulunni sai i Tou?” “Papapulunni Daud,” sasimbakki mangitou.

MATIUS 21:23

Wua'udde Mawu Yesus nabelengke su Wal᷊e Mawu see sinumuttate wuṛṛu mangngaṛṛa'e isudde. Su tempo i Tou mangngaṛṛa'a, manga imam tembonanne wuṛṛu manga piaṛṛa'u Yahudi nirumanta ringanni Tou wuṛṛu naiwal᷊o, “Apa pinangiananne na'oman sara I'o ma'ola'a sarangkanambone indi? Isai nangonggolu taṛṛino udde Si'o?”

MATIUS 9:27

Mawu Yesus nanantangken tampa udde wuṛṛu su tangngan dal᷊anna pia ruang katou wuta uatantalongnga si Tou. Itarua mangngintul᷊i, “Ana'i Daud, akkanaawe i yami!”

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

MATIUS 20:24

Su tempo sire mapul᷊o mallal᷊aṛṛenggen-Ne waine naaringikka hatto udde, i mangitou nasa'u sitarua sangkatuṛṛangnga udde.