MATIUS 20:26 - WUKE SUSI WATTI'U AL᷊AL᷊USASSA

²⁶ Arawe i yamiu tawe wotongnge aroddi. Arawe taumata apan maapulu maola'a wahewa su wallatti yamiu, ṛinone maola'a mangangimbenu.

MATIUS 20:26 Referans Kwoze

MARKUS 10:43

Arawe i yamiu tawe wotongnge ma'ola'a aroddi! Arawe, taumata apan maapulu maola'a tembonanne su wallatti i yamiu, i tou sarun maola'a mangangimbenu.

MARKUS 10:45

Ana waugu Ana'u Taumata lai nirumanta wal᷊ine ana see imbeanna. I Tou nirumanta mangimbe wuṛṛu manantillu niawa-Ne ipanubussa rosan taumata nambo.”

MARKUS 9:35

Mawu Yesus inuma'ianna, see namagote sire mapul᷊o dua mallal᷊aṛṛenggen-Ne udde. I Tou nabbisara si mangitou, “Taumata apan maapulu maola'a paarorone, i tou sarun maola'a panginsueanne wuṛṛu sarun maola'a mangangimbe-taumata nambo.”

1 PETRUS 5:3

Arie pa'ola'a ere tembonanne si mangitou, apan tinantilla si yamiu, ewe'e i yamiu ṛinone maola'a tul᷊ada si mangitou.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

MATIUS 25:44

See i mangitou sarun mabbisara si Tou, ‘Mawu, su tempo suapa i yami naasilo Mawu mal᷊unussa, ara'e narou, ara'e ere sangkatou raho, ara'e tawe laubba, ara'e maradda'a ara'e su ṛuumanna, wuṛṛu i yami tawe nantul᷊ungngu Mawu?’

IBRANI 1:14

Amungkangu aroddi, manga mala'ekatta udde apa i mangitou? Ete i mangitou udde manga ghaṛṛaho apan mangngimbe Ruata, wuṛṛu apan iradolokku Ruata iapaatul᷊ungngu manga taumata apan sarun manengkamma asasal᷊amatta.

FILEMON 1:13

Ṛinone i ya'u pia apulu manaṛṛanga si tou ringangku maola'a hahantinu, tadea'u i tou wotongnge massumbala si ya'u, su al᷊annune i ya'u tataṛṛanganna sulal᷊ummu tuttupanna indi ana waugu mammasingkatu Watti'u Al᷊al᷊uassa wuassu Ruata.

2 TIMOTIUS 1:18

Wuṛṛu i'o masingkatta manungku su Efesus i tou masokka mantul᷊ungku. Doronganna Mawu mapaal᷊iatta'u darangngu-Ne si tou su allo Mawu mamarikissa anambon walahannu taumata.

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

WATTI'U MANGA RASUL 13:5

Napawe na'omate su Salamis i mangitou nabbati'u wisara Mawu su manga wal᷊em pattataṛṛamawuannu Yahudi. I Yohanes Markus nallal᷊ima su amatanni mangitou.

YOHANES 18:36

Mawu Yesus nabbisara, “Araratuang-Ku wal᷊ine wuassu runia indi. Unnu wisara araratuang-Ku wuassu runia indi, manga taumata-U sarun mando'appa, tadea'u i Ya'u tawe itantilla su manga tembonannu Yahudi. Arawe atonna araratuang-Ku wal᷊ine wuassu runia indi!”

MATIUS 27:55

Isudde pia lai manambo wawine apan ua'ellega wuassu marau. Ete i mangitou udde apan suete tinumantalongnga Mawu Yesus, nantul᷊ungngi Tou ro'en wuassu Galilea.

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

MATIUS 20:27

Wuṛṛu taumata apan maapulu maola'a paarorone su wallatti yamiu, ṛinone maola'a allangngu.

LUKAS 22:26

Arawe i yamiu tawe wotongnge aroddi. Ewe'e mawal᷊i'a taumata wahewa su wallatti yamiu ṛinone maola'a adio'anne, wuṛṛu piaṛṛangnge ṛinone maola'a ere sangkatou mangangimbe.