MATIUS 2:8 - WUKE SUSI WATTI'U AL᷊AL᷊USASSA

⁸ Wua'udde i tou nandolokke mangitou watukku Betlehem ringannu tanatane indi, “Roote, rea'ete Ana'a udde ringannu ma'uduppa. Wuṛṛu amungkangngu i yamiu maasomba si Tou, wal᷊oa'a si ya'u, tadea'u i ya'u lai inai massubba si Tou.”

MATIUS 2:8 Referans Kwoze

LAL᷊ALLU 3:37

Amungkangngu Mawu maddiri maapulun manga apa, taumata sarun tawe mapa'ola'a apa-apa su pandumma udde.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

1 MARARATU 19:2

Ne i Izebel nangirimmu watti'a indi si Elia, “Antimanna manga monganna makkuumanna, ewe'e lai mamate si ya'u, amungkangngu tiṛṛabbi ere lai orassa indi ya'u tawe mapa'inolaanna si'o ere lai i'o na'inolaanna manga nabin Baal udde.”

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

MATIUS 2:1

Mawu Yesus inasungkangnga su soam Betlehem su wanua Yudea, su tempo pamamarentan Ratu Herodes. Su tempo udde manga pira mapapanden anumpitanna wuassu ra'i nirumanta su Yerusalem.

MATIUS 2:7

Napawe suete naasomba tal᷊aane aroddi, i Herodes namaggote manga mapapanden anumpitanna wuassu samba'an ra'i udde, ringannu mal᷊annaba. Wua'udde i tou naiwal᷊ote si mangitou, ro'en angngera i yamiu nanattakka naasilo anumpitanna udde.

MATIUS 2:9

Wua'udde i mangitou inaite. I mangitou naasilo lai anumpitanna apan suete niasiloanni mangitou rorone su samba'an ra'i. Lembon lulluassa i mangitou naasilo anumpitanna udde! Anumpitanna udde nalliu ṛoro wuassi mangitou, wua'udde natta'alla su lantakku tampan Ana'a udde.