MATIUS 2:1 - WUKE SUSI WATTI'U AL᷊AL᷊USASSA

¹ Mawu Yesus inasungkangnga su soam Betlehem su wanua Yudea, su tempo pamamarentan Ratu Herodes. Su tempo udde manga pira mapapanden anumpitanna wuassu ra'i nirumanta su Yerusalem.

MATIUS 2:1 Referans Kwoze

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

YOHANES 7:42

Sulal᷊ummu Wuke Susi uawoṛṛetta manungku Ratum Punnu Sal᷊amatta udde sinossoṛṛanne wuassi Daud wuṛṛu sarun dumanta wuassu Betlehem, eteudde soa atatanaanni Daud.”

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

MATIUS 2:5

I mangitou sinumimbakka, “Su soa Betlehem su wanua Yudea. Ana waugu ereindi niwoṛṛettu sangkatou nabi,

MATIUS 1:25

Arawe tantal᷊anna Maria taambe nangunsiwen ana'a udde, Yusuf taambe naammulli Maria. Wuṛṛu napawe ana'a udde nasungkangke, i Yusuf nanaggoten ana'a udde Yesus.

LUKAS 2:15

Napawe manga mala'ekatta udde nanantangke mangitou wuṛṛu nabelengke su surga, manga mallal᷊u'adda uawawisarate sangkatou ringannu sangkatou, “Wette i ite inaite su Betlehem ma'ellega apa apan suete nariaddi udde, apan suete niapasingkattu Mawu si ite.”

LUKAS 1:5

Napawe i Herodes naola'e ratu su leta'u Yudea, pia sangkatou imam aranne i Zakharia. I tou nasutta su wageangngu manga imam Abia. Awingnge aranne i Elisabet, i tou lai papapulunnu imam.

1 MARARATU 4:30

Su manga wanua ra'i wuṛṛu su Mesir tawe taumata apan apandene ere i tou.

PANDARIADDI 25:6

su al᷊o'engngu pinabbiaṛṛanne i tou nangonggollu manambo aonggolla su manga ana'a apan niasombanganne wuassu manga awingnge waine. Wua'udde manga al᷊aṛṛana'a udde nirolokka nangingkatta watukku wageangngu leta'a su samba'a ra'in Kanaan, tadea'u marau wuassi Ishak anangnge.

MATIUS 2:19

Napawe i Herodes natete, tantal᷊anna i Yusuf ta'e su Mesir sangkatou mala'ekattu Mawu naipasilom batanganne si Yusuf sulal᷊ummu wal᷊iawa.

MATIUS 2:3

Napawe i Ratu Herodes naaringikka olangnge udde, i tou niṛṛumoro atonna, aroddi lai anambon taumata su Yerusalem.

PANDARIADDI 10:30

Leta'a atatanaanni mangitou niatambanna wuassu Mesa watukku Sefar, eteudde panenteanna su samba'an da'i.

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

PANDARIADDI 41:8

Marua allone ratu sussinggawangke, ana waugu udde i tou nandolokka niapawago anambon taṛṛa pani'atta wuṛṛu taumata pia asingkanne su Mesir. Ana see nabbati'u wal᷊iawane si mangitou, arawe tawe saran sangkatou apan botongnge manal᷊a'an atappasanne.

MAL᷊AṚṚUUNGNGA 17:7

Su tempo udde lai pia sangkatou umbasanna wuassu ṛuanganni Lewi. Dorone i tou uatana'a su Betlehem su leta'u Yehuda.

MATIUS 2:7

Napawe suete naasomba tal᷊aane aroddi, i Herodes namaggote manga mapapanden anumpitanna wuassu samba'an ra'i udde, ringannu mal᷊annaba. Wua'udde i tou naiwal᷊ote si mangitou, ro'en angngera i yamiu nanattakka naasilo anumpitanna udde.

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

1 TAWARIKH 2:51

I Salma anangnge iapa aruane eteudde napararisikku soan Betlehem; wuṛṛu i Haref anangnge atallune napararisikku soan Bet-Gader.