MATIUS 18:3 - WUKE SUSI WATTI'U AL᷊AL᷊USASSA

³ See Mawu Yesus nabbisara, “Pangimante! Tumba'u amungkangngu yamiu mawal᷊u wuṛṛu maola'a ere al᷊aṛṛana'a, i yamiu sarun maola'a lal᷊oṛṛon araratuannu Ruata.

MATIUS 18:3 Referans Kwoze

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

MATIUS 19:14

Ne Mawu Yesus nabbisarate su mallal᷊aṛṛenggen-Ne, “Wala'e manga al᷊aṛṛana'a udde rumanta ringang-Ku! Arie maningaddi mangitou, ana waugu manga taumata ere i mangitou indi apan maola'a lal᷊oṛṛon araratuannu Ruata.”

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

DARALO 131:2

Mangke atonna, naungku mal᷊angnganna wuṛṛu matammudda; naal᷊ihidda ana'a maradio'a wua sinumusu, mattilla matammudda su ṛiwan inangngene, atammudde aroddi lai naungku.

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

LUKAS 13:24

“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

WATTI'U MANGA RASUL 28:27

Ana waugu ṛingiṛṛannu walahanna indi mal᷊umute tal᷊inga mangitou nabengelle wuṛṛu mata mangitou suete niaṛṛimbuta. Indi mariaddi tadea'u mata mangitou tawe maasilo, tal᷊inga mangitou tawe maaringikka, ṛingiṛṛanni mangitou tawe maasunna, wuṛṛu arie mabelengnga ringang-Ku, see i Ya'u mapaapia mangitou.’ ”

YOHANES 1:51

Mawu Yesus nabbisara apia, “Atonna, pangimante, i'o sarun maasilo langitta mawu'a, wuṛṛu manga mala'ekattu Ruata uapapal᷊ele ringannu Ana'u Taumata.”

MATIUS 5:20

Nariaddi, naunge: I yamiu tawe maola'a al᷊aṛṛana'u Mawu, amungkangngu i yamiu tawe manampal᷊iu manga hurun agama wuṛṛu manga taumatan Farisi sulal᷊ummu ma'ola'a inolaanna ara'e apulun Duata.”

LUKAS 22:32

Arawe i Ya'u suete inumal᷊iomanni yamiu, Simon, tadea'u pangangimannu tawe mallome. Wuṛṛu napawe i'o mabelengke ringang-Ku, i'o sarun manohassa manga tuṛṛangngu.”

MARKUS 4:12

tadea'u ‘I mangitou sidutu maatutukka arawe wagga apa apan sarun mariaddi, i mangitou sidutu maddaringikka arawe tawe maasunna, olangnge indi mariaddi tadea'u i mangitou tawe maasilo wuṛṛu tawe maasunna wuṛṛu arie i mangitou rumanta ringannu Ruata wuṛṛu Ruata mangampungnga si mangitou.’ ”

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

MATIUS 19:23

See Mawu Yesus nabbisara su manga mallal᷊aṛṛenggen-Ne, “I Ya'u mabbisara si yamiu, masahada atonna taumata ala maola'a lal᷊oṛṛon araratuannu Ruata.

MATIUS 13:15

Ana waugu ṛingiṛṛannu taumata indi nal᷊umute tal᷊inga mangitou nabbengelle wuṛṛu mata mangitou tawe maasilo. Indi mariaddi tadea'u mata mangitou tawe maasilo tal᷊inga mangitou tawe maaringikka, ṛingiṛṛanni mangitou tawe maasunna wuṛṛu arie mabelengnga ringang-Ku, see i Ya'u mapaapia mangitou.’ ”

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

YESAYA 6:10

Ana see i Tou nabbisarate si ya'u, “Paal᷊umua'a ṛingirannu manga taumata udde, paawengel᷊a'a tal᷊ingane wuṛṛu paawuta'a matane, tadea i mangitou tawe maasilo, maddaringikka ara'e maasunna, ana see mabbelengnga ringang-Ku wuṛṛu maola'e mapia.”

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

MATIUS 18:2

Mawu Yesus namaggo sangkatou ana'a addio'a, wuṛṛu niapararisikka su saruanni mangitou.

MATIUS 18:4

Taumata apan mappaawawon dirine wuṛṛu maola'a ere ana'a addio'a indi, ete i tou ahewal᷊anne su wallattu lal᷊oṛṛon araratuannu Ruata.