MATIUS 17:6 - WUKE SUSI WATTI'U AL᷊AL᷊USASSA

⁶ Su tempo manga mallal᷊aṛṛenggennu Mawu Yesus naaringikka tingikka udde, i mangitou nata'utta atonna, na'oman sara hati mangitou naduma'a su leta'a.

MATIUS 17:6 Referans Kwoze

2 PETRUS 1:18

I yami sassane naaringikka tingikka udde nirumanta wuassu surga su tempo i yami su sambau ringanni Tou su wowone apan susi udde.

WATTI'U MANGA RASUL 26:14

I yami sarangkanambone naṛṛa'a su leta'a. See i ya'u naaringikka tingikka nabbisara si ya'u sulal᷊ummu wisaran Ibrani, ‘Saulus, Saulus! Anio i'o mangke mandal᷊eo si Ya'u! I'o sarun maapendamma sassane raddangngu, amungkangngu i'o sidutu lullawanga piaṛṛa'i Tou apan naola'a Mawunu.’

WATTI'U MANGA RASUL 22:7

I ya'u naṛṛa'a su leta'a see i ya'u naaringikka sambau tingikka nabbisara si ya'u, ‘Saulus, Saulus! Anio i'o mandal᷊eo si Ya'u?’

DANIEL 8:17

Wua'udde Gabriel apan uarisikka su saruangku udde nangundani'u. I ya'u nabbal᷊i aroddi ata'unne, na'oman sara i ya'u naṛṛa'a. Unni Gabriel si ya'u, “Ei taumata apan mattate, i'o rinone masingkatta manungku sondapa udde mammasingkatta su ola'u pangudusannu runia.”

YEHEZKIEL 43:3

Aellega uasul᷊ungnga ere lai ta'u niasiloanna sutempo Ruata nirumanta makkimunsa'a Yerusalem, wuṛṛu ere lai ta'u niasiloanna su Sal᷊ukku Kebar. Ana see i ya'u naṛṛa'a wuṛṛu niumal᷊intudda.

YEHEZKIEL 3:23

Ne i ya'u inaite watukku wawal᷊anne, wuṛṛu isudde i ya'u naasilo semakka sussal᷊ol᷊ota apan mammasingkattu daranta Mawu ere lai apan buatte ta'u niasiloanna su winggin Sal᷊ukku Kebar. Wua'udde i ya'u nawal᷊atta uarammangnga su leta'a.

1 TAWARIKH 21:16

I Daud naasilo mala'ekatta udde tuttalla'a suwallatu langitta wuṛṛu runia. Ringannu uaagassa hal᷊ele, mala'ekatta udde nasaddiate makkimunsa'a Yerusalem. Ne i Daud wuṛṛu manga matatimmadu tumanangnge, apan sutempo udde tantal᷊anna ual᷊uṛṛen laubba karongnga maola'a tatiala sussassila, niumal᷊intudda su leta'a.

MAL᷊AṚṚUUNGNGA 13:22

Ana see i Manoah nabbisara awingnge, “Iaddua sarun mate ana waugu iaddua buatte naasilo Ruata!”

MAL᷊AṚṚUUNGNGA 13:20

Tantal᷊anna putungnga lukkenggamma sussal᷊oi wuassu mezbah udde, i Manoah wuṛṛu awingnge naasilo mala'ekattu Mawu udde niumawitta sulal᷊ummu ṛenggammu putungnga udde, mattuddan langitta. Wakkute udde i Manoah naatutukka manungku udde mala'ekattu Mawu; ne i tou wuṛṛu awingnge niumal᷊intudate nassubba. Tate saran paassa i mangitou naasilo mala'ekatta udde apia.

IMAMATTA 9:24

Inaṛṛombanganne Mawu nanossokku putungnga apan nanutungnga na'oman sara nasue sasamba itattambunna wuṛṛu manga wageangnge apan pia tawane su wowon mezbah. Su tempo ṛuangannu Israel naasilo i mangitou mangngintul᷊i wuṛṛu apiddu nassubba.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 17:7

Arawe Mawu Yesus nirumanta wuṛṛu nangeṛṛetta si mangitou. “Pabbangunte,” wisara-Ne, “arie mata'utta!”