MATIUS 16:8 - WUKE SUSI WATTI'U AL᷊AL᷊USASSA

⁸ Mawu Yesus naasingkatta apa ipagahato mangitou udde. Nariaddi i Tou nabbisara, “Anio i yamiu uatatiakka su ola'u tawe roti? Pangangimanni yamiu lome!

MATIUS 16:8 Referans Kwoze

MATIUS 6:30

Wal᷊abukka su wadda'a allo indi tumuwo wuṛṛu tiṛṛabbine tutunganna ma'oman sara masue. Arawe Ruata mamedetta wal᷊abukka udde aroddi aṛṛamage. Lembonete i yamiu! Arawe pangangimanni yamiu mattul᷊ungnga!

MATIUS 14:31

Mawu Yesus lapiddu nangul᷊ukku limane wuṛṛu nanametta si tou, wuṛṛu nabbisara, “Petrus, Petrus, pangangimannu lome atonna. Anio i'o sussinggawangnga si Ya'u?”

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

YOHANES 16:30

wuṛṛu i yami masingkatta manungku Mawu masingkattu sarangkanambone. Ipa'ura lai taumata maiwal᷊o manga apa su Mawu. Ana waugu udde i yami mangngimanna Mawu nirumanta wua dingannu Ruata.”

MATIUS 16:7

Naaringikka wisara Mawu Yesus aroddi, mallal᷊aṛṛenggen-Ne uahahattote sangkatou ringannu sangkatou, “I Tou nabbisara aroddi ana waugu i ite tawe nangapiddu roti.”