MATIUS 15:8 - WUKE SUSI WATTI'U AL᷊AL᷊USASSA

⁸ ‘Arendi wisaran Ruata: Manga taumata udde tumba'u massubba Si Ya'u ringannu manga wisara, arawe naungngi mangitou marau wuassia-U.

MATIUS 15:8 Referans Kwoze

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

WATTI'U MANGA RASUL 8:21

I'o tawe maatantalongnga sulal᷊ummu manarang kami, ana waugu naungngu wengkola su saruannu Ruata.

1 PETRUS 3:10

Sulal᷊ummu Wuke Susi uawoṛṛetta arendi, “Taumata apan maapulu mabbiakka wuṛṛu maapulu mamendama miallo-miallo apan mapia, ṛinone mandiagga moṛṛonge tadea'u tawe maggahatto manga inolaanna lal᷊eo wuṛṛu tawe maapabbisaran bawahia.

AMSAL 23:26

Panutukke paapia-pia wuṛṛu pattannote ola'u pabbiaṛṛangku, ana'u!

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

YEREMIA 12:2

I'o nassuanni mangitou ere sinuananna, ana see i mangitou nakkamutta, tinumuwo, wuṛṛu nabbua. I mangitou sidutu mabbisara wisara mangkapia su ola'u watangan-Nu, arawe sulal᷊ummu naungnga, i mangitou tawe mappandumma Si'o.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

MATIUS 15:7

I yamiu taumata lilangkamal᷊e'a! Tawe sal᷊ane apa apan suete niwal᷊on Yesaya su ola'i yamiu eteudde,

MARKUS 7:6

Mawu Yesus sinumimbakka, “I yamiu taumata lilangkamal᷊e'a! Naṛṛino atonna apa apan suete niapasingkatti Yesaya su ola'i yamiu eteudde, ‘Arendi unnu Ruata, Manga taumata udde tumba'u massubba si Ya'u ringannu manga wisara, arawe naungngi mangitou marau wuassia-U.

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.