MATIUS 14:27 - WUKE SUSI WATTI'U AL᷊AL᷊USASSA

²⁷ Arawe Mawu Yesus lapiddu sinumimbakka, “Paatammuda! I Ya'u indi, arie pa'ata'utta!”

MATIUS 14:27 Referans Kwoze

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

WATTI'U MANGA RASUL 23:11

Ṛabbi nanansunna, Mawu Yesus nirumarisikka su sandiṛṛanni Paulus wuṛṛu nabbisara, “Paatohassa naungngu! I'o suete nattiala su ola'u riri-U su Yerusalem. I'o ṛinone lai mabatti'u udde su Roma.”

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 41:4

Isaite apan na'ola'a sarangkanambone udde? Isaite apan nanantunnu amamattu runia? Ya'u, Mawu, ete i Ya'u apan paarorone, wuṛṛu sidutu pia maddatingngu panginsueanne.

YOHANES 6:20

Arawe Mawu Yesus nabbisara si mangitou, “Arie paata'utta, i Ya'u indi!”

MATIUS 17:7

Arawe Mawu Yesus nirumanta wuṛṛu nangeṛṛetta si mangitou. “Pabbangunte,” wisara-Ne, “arie mata'utta!”

MATIUS 9:2

Isudde taumata nangapiddu sangkatou lome ringanni Tou apan ual᷊allowangnga su wilatta. Su tempo Mawu Yesus naasilo manungku wahewa atonna pangangimanni mangitou udde, i Tou nabbisara su taumata lome udde, “Paasabare ana'u! Manga rosanu suete niampunganna.”

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

LUKAS 1:30

Ne mala'ekatta udde nabbisara si tou, “Arie pa'ata'utta, Maria, ana waugu i'o naal᷊uassa naungngu Ruata.

LUKAS 1:13

Arawe mala'ekatta udde nabbisara, “Arie pa'ata'utta, Zakharia! Ruata suete naddaringikka aal᷊iomannu. Awingngu i Elisabet sarun mangunsiwen sangkatou ana'a esakka. I'o sarun managon aranne i Yohanes.

MATIUS 28:10

“Arie pa'ata'utta,” wisara Mawu Yesus si mangitou, “roote wal᷊oa'a su manga tuṛṛangku, tadea'u i mangitou inai su Galilea, poiaroddi i mangitou sarun maasilo si Ya'u.”

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

MATIUS 14:28

See i Petrus nabbisara, “Amungkangngu atonna I'o Mawu Yesus, wala'a i ya'u rumanta umamatta su wowon ua'e.”

MATIUS 28:5

Mala'ekatta udde nabbisara manga wawine udde, “Arie pa'ata'utta! I Ya'u masingkatta i yamiu maddea'a Mawu Yesus apan suete niarussa udde.

MARKUS 6:50

na'oman sara i mangitou mangngintul᷊in atata'utta. Ana waugu i mangitou naasilo si Tou wuṛṛu i mangitou lapiddu niṛṛumoro atonna. Arawe Mawu Yesus lapiddu namo'a si mangitou, “Paatammuda! I Ya'u Mawu Yesus. Arie pa'ata'utta!”

LUKAS 5:10

Aroddi lai ringannu manga hawen Simon, eteudde i Yakobus wuṛṛu i Yohanes, al᷊aṛṛana'i Zebedeus. Mawu Yesus nabbisara si Simon, “Arie pa'ata'utta! Manattakka orassa indi i'o sarun maola'a mananoma taumata.”

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.