MATIUS 13:44 - WUKE SUSI WATTI'U AL᷊AL᷊USASSA

⁴⁴ “Napawe Ruata mamarenta, olangnge ere sasumandingnga indi: Pia darotongnga uaal᷊i su leta'a see niabaannu sangkatou taumata, wuṛṛu niaddo apia su leta'a. Wua'udde ana waugu lulluassa, taumata udde inaite nabbal᷊u'u al᷊awo'u darotongnge, see nabelengke wuṛṛu namalli leta'a udde.”

MATIUS 13:44 Referans Kwoze

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

LUKAS 14:33

Panginsueanne Mawu Yesus nabbisara, “Aroddi lai matataṛṛino si yamiu. Tawe saran sangkatou wuassi yamiu wotongnge maola'a mallal᷊aṛṛenggeng-Ku, amungkangngu i tou tawe manantillu al᷊awo'u darotongnge.”

MATIUS 6:21

Ana waugu suapa pia darotongngu uaaddo, isudde lai naungngu uaṛṛundinganna!”

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

AMSAL 16:16

Naasomba apande mappianne marau wuassu naasomba wul᷊awanna; naasomba asingkatta maareganne wuassu naasomba sal᷊a'a.

AMSAL 23:23

Al᷊aṛṛa'a apan atonna, apande, aehetta, wuṛṛu pasasunna – sarangkanambone udde wotongnge awallianna, arawe tumaniten maarega amungkangngu iwal᷊u'a.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

MATIUS 19:27

See i Petrus nabbisara, “Pa'ellega, i yami suete nanantangngu al᷊awo'u darotongngi yami tadea'u manantalongnga Iamangnga. Wuṛṛu apa sarun asombanganni yami?”

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

YESAYA 55:1

Mawu nabbisara, “Wette i yamiu sarangkanambone apan marou, pa'inumpe, ua'e nasaddiate. Rantate i yamiu apan tawe uatahuanna roitta, panengkampe gandumma apan tawe bawaekke, wuṛṛu ante! Anggore wuṛṛu susu nasaddiate, sengkampe ringannu tawe bawaekke.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

MATIUS 13:24

Mawu Yesus nabbatti'u lai sambau sasumandingnga su taumata nambo, wisara-Ne, “Amungkangngu Ruata mamarenta, tul᷊adane naal᷊ihidda ere sasumandingnga indi: Sangkatou mabbawailla nangasi'u wualanna apan mapia su wawail᷊anne.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

AMSAL 17:16

Tawe gunane taumata woddo mangnginsue roitta ipaddea'a apande, ana waugu i tou tawe ṛingiranna mapia.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

AMSAL 18:1

Taumata apan makkaen batanganne wuassu taumata waine atappasanne tumba'u mannutukka watanganne sassane; suapan addapattu taumata waine tompol᷊anni tou.

AYUB 28:13

Asingkatta tawe su pattangngannu taumata; taweddu maasingkattu aregane apan atonna.

MATIUS 13:46

Su tempo i tou naasomba sambau mutiara apan nangillembon maṛṛamaga, ringannu mal᷊ihakka i tou niumamatta wuṛṛu nabbal᷊u'u al᷊awo'u darotongnge, see namalli mutiara sambau udde.”

MATIUS 13:47

“Napawe Ruata mamarenta olangnge ere sasumandingngu soma apan ipannoma su rano, see naahau al᷊awo'u hating kinassa.