MATIUS 13:36 - WUKE SUSI WATTI'U AL᷊AL᷊USASSA

³⁶ Wua'udde Mawu Yesus nanantangken taumata nambo udde. See sinumutta su wal᷊e. Mallal᷊aṛṛenggen-Ne nirumanta wuṛṛu nabbisara, “Tal᷊aa'o si yami sasumandingngu akke su wallattu gandumma udde.”

MATIUS 13:36 Referans Kwoze

MARKUS 7:17

Su tempo Mawu Yesus nanantangken taumata nambo udde, wuṛṛu sinumuttate su wal᷊e, mallal᷊aṛṛenggen-Ne naiwal᷊ote si Tou su ola'u pandummu sasumandingnga udde.

MARKUS 6:45

Wua'udde ringannu mal᷊ihakka Mawu Yesus nandolokku mallal᷊aṛṛenggen-Ne nassenggotte ringannu saalanna malliu ṛoro si Tou su Betsaida su samba'an dano, tantal᷊anna i Tou nandolokku taumata nambo udde niapaapul᷊e.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

MATIUS 13:1

Su allo udde lai Mawu Yesus nanantangken bal᷊e udde see inaite su winggin rano wuṛṛu inuma'iante isudde.

MATIUS 9:28

Napawe Mawu Yesus sinumutta sulal᷊ummu wal᷊e, taumata wuta darua udde nirumanta ringanni tou. Mawu Yesus naiwal᷊o si mangitou, “Apa i yamiu mangngimanna manungku i Ya'u wotongnge mangapia siraddua?” “Mangngimanna Iamangnga!” Sasimbakki tarua.

MATIUS 15:39

Wua'udde Mawu Yesus nandolokke manga taumata udde niapapul᷊e. I Tou sassane sinuma'e sangngassa saalanna wuṛṛu inaite watukku wageangngu leta'u Magadan.

MATIUS 14:22

Wua'udde Mawu Yesus nandolokku manga mallal᷊aṛṛenggen-Ne sinuma'e saalanna wuṛṛu malliu ṛoro su samba'an dano, tantal᷊anna udde i Tou nandolokku taumata nambo udde niapaapul᷊e.

MARKUS 4:34

Mawu Yesus sidutu mappaattu sasumandingnga amungkangngu i Tou mangaṛṛa'a manga taumata udde. Arawe amungkangngu i Tou sassane ringannu mallal᷊aṛṛenggen-Ne, i Tou mannal᷊a'an sarangkanambone si mangitou.

MATIUS 13:18

“Daringiṛṛete apa atappasannu sasumandingngu sangkatou mangangasi'a udde.

MATIUS 13:25

Su ṛabbi sambau, su tempo anambon taumata mattiille, seettu mabbawailla udde nirumanta nangasi'u wualannu akke su wallattu gandumma udde, see napul᷊e.