MATIUS 13:11 - WUKE SUSI WATTI'U AL᷊AL᷊USASSA

¹¹ Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

MATIUS 13:11 Referans Kwoze

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

MATIUS 19:11

Mawu Yesus sinumimbakka, “Tawe anambon taumata wotongnge maasengkamma manga wisara udde, tumba'u manga taumata apan suete tinantunnu Ruata.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

1 YOHANES 2:27

Arawe su ola'i yamiu sassane, Kristus suete namobboku Ghaṛṛaho-Ne si yamiu. Wuṛṛu sulal᷊ummu Ghaṛṛaho-Ne ta'e ringanni yamiu, arie pia taumata waine mangaṛṛa'a si yamiu. Ana waugu Ghaṛṛaho-Ne mangngaṛṛa'a si yamiu su ola'u al᷊awo'a; wuṛṛu apa apan ia'aṛṛa-Nge udde atonna, wal᷊ine wahia. Ana waugu udde, ṛinone i yamiu tumuṛṛutta apa apan niaṛṛa'u Ghaṛṛaho udde, wuṛṛu ṛinone i yamiu sidutu mabbiakka uaaukka ringanni Kristus.

1 YOHANES 2:20

Arawe i yamiu suete nanengkamma Ghaṛṛahon Duata apan niwobboki Yesus Kristus wuṛṛu ana waugu udde i yamiu sarangkanambone maaillal᷊a al᷊aṛṛa'a apan naṛṛino udde.

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

YESAYA 35:8

Poiaroddi sarun pia lal᷊anna wahewalla, “Lal᷊anna matuddan asasal᷊amatta” aranne. Taumata marosa sarun tawe umamatta poiaroddi, taumata woddo sarun tawe mangal᷊iwun taumata umamatta isudde.

EFESUS 5:32

Tatialane udde pia atappasanne apan malal᷊umma. Wuṛṛu ta'u isumandinga ringannu paa'aukki Kristus wuṛṛu jamaatta.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

LUKAS 8:10

Mawu Yesus sinumimbakka, “I yamiu suete nionggol᷊annu al᷊amatta tadea'u maasingkatta addapingnga su ola'u ereapa Ruata mamarenta ere sangkatou Ratu. Arawe manga taumata waine niaṛṛaannu sasumandingnga, tadea'u i mangitou madaringikka, arawe wagga apa apan mariaddi; wuṛṛu i mangitou madaringikka, arawe tawe maasunna.”

1 KORINTUS 15:51

Paatutuṛṛe addapingnga indi: Tawe sarangkanambone i ite sarun mate, arawe i ite sarangkanambone sarun wal᷊uanna.

1 KORINTUS 2:7

Apapande apan ta'u iwal᷊o udde eteudde apapande wuassu Ruata. Apapande udde awaganannu runia, arawe Ruata suete nanaddia lal᷊umanna'i ite ro'en runia indi taambe niriaddi.

YOHANES 6:65

See Mawu Yesus nabbisara apia, “Ana waugu udde i Ya'u mamasingkatta si yamiu manungku tawe saran sangkatou apan maaranta ringang-Ku, amungkangngu Iamangnga tawe mamala.”

1 TIMOTIUS 3:9

Ṛinone i mangitou matohassa su pangangimanna ringannu naungnga waresi su al᷊aṛṛa'u pangangimannu taumatan Saṛṛani apan suete niapaal᷊iatta'u Ruata.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

MARKUS 4:11

Ne Mawu Yesus nabbisarate si mangitou, “I yamiu suete nionggol᷊annu al᷊amatta maasingkatta adappingnga su ola'u ereapa Ruata mamarenta. Arawe manga taumata su liudde aaṛṛaannu sasumandingnga,

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

EFESUS 6:19

Wuṛṛu aal᷊iomante lai hunan kamiu, tadea'u su tempo i ya'u mabbisara, Ruata mangonggola si ya'u manga wisara apan naṛṛino. Wuṛṛu tadea'u ya'u ringannu waṛṛani wotongnge mabatti'u addappingu Watti'u Al᷊al᷊uassa udde.

1 KORINTUS 4:7

Isai apan na'ola'a si'o nangillembo wuassu taumata waine? Wal᷊inewe sarangkanambone sinengkammu wuassu Ruata? Nariaddi, anio i'o mapaatelengngu watangannu, paṛṛimaunnapa apa apan tatahuanannu udde wal᷊ine sambau apan nionggola?

1 KORINTUS 4:1

Ellehete i yami indi mangangimben Kristus, apan uapasanna manara mabbatti'u manga pandumannu Ruata apan taambe niasingkatannu runia.

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

1 TIMOTIUS 3:16

Taweddu saran sangkatou wotongnge massinaada, aroddi ahewalle addapingu agaman kite: I tou namasilon batanganne sulal᷊ummu lihiddu taumata, wuṛṛu niapaal᷊iatta'u Ghaṛṛahon Duata, see aellehannu manga mala'ekatta. Wattinge niapararingikka su wallatu manga walahanna, wuṛṛu i Tou apangimananna su ahewallu runia wuṛṛu niapaasengkenga su surga.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

YESAYA 29:10

Mawu na'ola'a si yamiu a'amatiil᷊anna wuṛṛu mattiilla mal᷊angnga. I Tou nanaappa mata manga nabi wuṛṛu nallindumma hati manga taṛṛa pasi'atta.

WATTI'U MANGA RASUL 16:14

Sangkatou su wallatti mangitou eteudde mabbawal᷊u'u mal᷊aṛṛenessa ungu, aranne i Lidia taumata wuassu Tiatira. I tou marangngu Ruata, ne Mawu nangal᷊ore naungnge tadea'u i tou manengkamma apa apan ia'aṛṛa'i Paulus si tou.

YESAYA 29:11

Atappasannu anambon aellega sarun iwuni, ere buke apan niseggele. Amungkangngu buke udde iapidda su sangkatou apan botongnge mabbasane si'o, i tou sarun mabbisara manungku i tou tawe wotongnge, ana wuke udde niseggele.

MATIUS 13:10

Wua'udde mallal᷊aṛṛenggennu Mawu Yesus nirumanta naiwal᷊o si Tou, “Anio Iamangnga mappaattu sasumandingnga amungkangngu mabbisara ringannu taumata nambo udde?”

MATIUS 20:23

Mawu Yesus nabbisara, “Atonna i yamiu sarun ma'inumma lai wuassu mangko-U udde. Arawe su ola'u isai apan sarun uma'ianna su aiṛṛi wuṛṛu su uanang-Ku udde tawe i Ya'u manantunna. Manga tampa udde, tampa manga taumata apan suete tinantunnu Iamangku.”

MARKUS 10:40

Arawe su ola'u isai apan uma'ianna su uananna ara'e su aiṛṛi-U, udde wal᷊ine i Ya'u manantunna. Ruata apan manantunna isai-sai sarun uma'ianna sumanga tampa udde.”

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.