MATIUS 12:15 - WUKE SUSI WATTI'U AL᷊AL᷊USASSA

¹⁵ Mawu Yesus masingkatte manungku manga taumatan Farisi udde pia ṛingiṛṛanna lal᷊eo su ririn i Tou. Nariaddi Tou inaite wuassu tampa udde wuṛṛu manambo taumata uatantalongnga si Tou. See i Tou napaapia manga taumata apan maradda'a.

MATIUS 12:15 Referans Kwoze

MATIUS 10:23

Amungkangngu i yamiu pappateanna su soa sambau, tal᷊angnga su soa waine. I Ya'u mabbal᷊o si yamiu: Tantal᷊anna i yamiu taambe namal᷊intaddu al᷊awo'u soa su Israel, Ana'u Taumata nirumantate.

YOHANES 11:54

Ana waugu udde Mawu Yesus tate nattingkapasilo su saruannu awada'alla su pattangngannu taumatan Yahudi. I Tou nanantangken Yudea, see inaite watukku soa aranne Efraim marani wadda'a. Isudde i Tou natana'a su sampunna ringannu mallal᷊aṛṛenggen-Ne.

YOHANES 7:1

Wua'udde Mawu Yesus inaite su alawo'u tampa su Galilea. I Tou maddiri mabatukku leta'u Yudea ana waugu manga tembonannu Yahudi poiaroddi pia pandumma mamate si Tou.

MATIUS 19:2

Manambo taumata uatantalongnga si Tou, wuṛṛu i Tou napaapia mangitou isudde.

MARKUS 6:56

Suapan tampa Mawu Yesus rumanta – mapia ete su ampungnga, su soa ara'e su ampungnga maradio'a – isudde sidutu taumata rudanta wuṛṛu mangngaddon rumarada'a su pasakka. See i mangitou sussal᷊ande tadea'u manga taumata marada'a udde iwala mangindingnga jubah Mawu Yesus, salaiwe tumba'u pentakke. Sarangkanambone apan naaindingnga jubah udde mangke mapia.

1 PETRUS 2:21

Ana waugu eteudde Ruata namaggo si yamiu. ana waugu Kristus sassane suete natataṛṛangnga asasusa ana waugu i yamiu, wuṛṛu ana waugu udde i Tou nangonggolu tul᷊ada si yamiu, tadea'u i yamiu manantuṛṛutta wal᷊ada-Ne.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

YOHANES 9:4

Tantal᷊anna ta'e allo, i ite ṛinone mammanara manaran Tou apan nandolo-U. Ṛabbi sarun dumanta, wuṛṛu tawe saran sangkatou apan wotongnge maapammanara.

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

LUKAS 5:22

Mawu Yesus naasingkatta aiwal᷊o mangitou. Nariaddi i Tou nabbisara, “Anio i yamiu ma'iwal᷊o aroddi sulal᷊ummu naungngu?

LUKAS 9:11

Arawe napawe manga taumata naasingkatta olangnge udde, i mangitou tinumantalongnga Mawu Yesus. I Tou nanarimmatti mangitou, see nabbatti'a si mangitou su ola'u ereapa Ruata mamarenta ere sangkatou Ratu. Wuṛṛu i Tou lai napaapian taumata marada'a su wallatti mangitou.