MATIUS 12:12 - WUKE SUSI WATTI'U AL᷊AL᷊USASSA

¹² Ne, taumata maareganne wuassu domba! Nariaddi amungkangngu aroddi wotongnge mantul᷊ungngu taumata su allon Sabatta.”

MATIUS 12:12 Referans Kwoze

MATIUS 6:26

Pa'ellege manu'u winalanganna. I mangitou tawe massuanna, tawe mangitingnga wuṛṛu tawe lai mangammullu wuan sinuananne sulal᷊ummu wal᷊ingkakka. Manimbe aroddi Iamangngu su surga mappadul᷊i lai si mangitou! Wal᷊inewe i yamiu maareganne marau wuassu manu'u winalanganna?

LUKAS 6:9

Wua'udde Mawu Yesus naiwal᷊o su manga taumata isudde, “Tumuṛṛuttu agama, i ite wotongnge mammanara apa su allon Sabatta? Ma'ola'a apapia ara'e ma'ola'a al᷊al᷊eo? Mandalukka taumata ara'e manilaka?”

MARKUS 3:4

See i Tou naiwal᷊o manga taumata isudde, “Tumuṛṛuttu agama, i ite wotongnge mammanara su allon Sabatta? Ma'ola'a apapia ara'e ma'ola'a al᷊al᷊eo? Manal᷊amatta taumata ara'e mamate?” I mangitou mal᷊annaba.

MATIUS 10:31

Ana waugu udde, arie mata'utta! I yamiu lembo maareganne wuassu sanggelokka!”

LUKAS 12:24

Panutukka paapia manga manu'u winalanganna! I mangitou tawe massuanna, tawe mangitingnga, tawe lai gudangnga ara'e wal᷊ingkakka. Arawe Ruata mappadul᷊i si mangitou! I yamiu lembo maareganna wuassu manga manu'a udde!

LUKAS 14:1

Su sambau allon Sabatta, Mawu Yesus inaite inumanna su wal᷊en sangkatou piaṛṛa'u Farisi. Isudde manga taumata mannutukka Mawu Yesus mapia-pia.