MATIUS 11:29 - WUKE SUSI WATTI'U AL᷊AL᷊USASSA

²⁹ Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

MATIUS 11:29 Referans Kwoze

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

1 YOHANES 2:6

Isai-sai nabbisara manungku i tou mabbiakka uaaukka ringannu Ruata, i tou ṛinone mabbiakka manantuṛṛutta lempangi Kristus.

YOHANES 13:15

I Ya'u mangngonggolu tul᷊ada indi si yamiu, tadea'u i yamiu lai ma'ola'a apa apan suete Ta'u inola'a si yamiu.

MATIUS 7:24

“Ei, taumata apan maaringikka wisara-U indi, wuṛṛu tuttuṛṛutta, i tou ere taumata pande apan napararisikku wal᷊ene su wowon batu.

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

FILIPI 2:5

Ṛinone i yamiu pia apendamma ere Yesus Kristus:

REENGANNA 12:3

I Musa eteudde sangkatou apan naungnge masaṛṛionto'a, nilumambalanna wuassu anambon taumata apan mabbiakka su runia indi.

MATIUS 21:5

“Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

2 KORINTUS 10:5

wuṛṛu manggohakku tanda'u atatanggakka apan niola'a ipanompolla asingkattu Ruata. I yami nanametta ṛingiṛṛannu manga taumata wuṛṛu na'ola'a si mangitou massuṛṛubawa si Kristus.

1 TESALONIKA 4:2

Ana waugu i yamiu suete naasingkata manga tatantiro apan suete nionggoli ami si yamiu sulal᷊ummu taṛṛino Mawu Yesus.

YOHANES 13:17

Amungkangngu i yamiu maasingkatten sarangkanambone indi, al᷊al᷊uassa si yamiu apan suete na'ola'a manara udde.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

1 KORINTUS 9:21

Su saruannu taumata wal᷊ine Yahudi, ya'u mattingkaola'a naal᷊ihida taumata wal᷊ine Yahudi, apan mabbiakka su liuddu titan Musa. I ya'u na'ola'a udde tadea'u i ya'u wotongnge maawol᷊engnga si mangitou maola'a mallal᷊aṛṛenggenni Kristus. Arawe udde tawe'e manungku i ya'u tawe tumuṛṛutta manga parentan Duata; arawe i ya'u sidutu iappiaṛṛa'u manga parenta wuassi Kristus.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

LUKAS 8:35

See manga taumata nampassabangnga ma'ellega apa apan suete nariaddi. I mangitou nirumanta ringannu Mawu Yesus, wuṛṛu isudde i mangitou naaratingnga taumata apan napallosse wuassu manga ghaṛṛaho lal᷊eo udde tantal᷊anna ua'ianna maranin ledda Mawu Yesus. I tou ualuṛṛeten laubba wuṛṛu ṛingiṛṛanne masemakke. I mangitou nata'utta.

DARALO 131:1

Aantarin papatembon Daud. Mawu i ya'u tawe matanggakka, wuṛṛu tawe mawunga. I ya'u maddiri maddea'a manga inolaanna apan wahewalla ara'e tumaniten masahadda si ya'u.

DARALO 116:7

I'o napatammudu naungku, ana waugu Mawu mapia si ya'u.

AMSAL 3:17

Asingkatta ma'ola'a wiakku masunge wuṛṛu matahul᷊andimma.

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

YESAYA 29:19

Manga taumata asiangnga wuṛṛu lal᷊ebbone sarun maapendamma apia lal᷊umannange apan nionggollu Ruata na'ukkassu Israel.

2 TAWARIKH 10:11

Iamangku nangonggolu winabbawa apan mawakkatta si ya'u, arawe i ya'u sarun mangonggolu awakkatanne lai. I tou nanggesekka si yamiu ringannu sambokka, arawe i ya'u sarun manggesekka ringannu sambokka ṛoangnge atta'a!’ ”