MATIUS 11:28 - WUKE SUSI WATTI'U AL᷊AL᷊USASSA

²⁸ Rantate ringang-Ku i yamiu sarangkanambone apan nal᷊otakke, wuṛṛu uapendamma winabbawa mawakkatta; i Ya'u sarun mappaaul᷊eng kamiu.

MATIUS 11:28 Referans Kwoze

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

YOHANES 7:37

Su allo panginsueannu ramea udde, eteudde allo apan apianne, Mawu Yesus dirumarisikka sulal᷊ummu Wal᷊e Mawu see nabbisara, “Taumata apan marou ṛinone rumanta ringang-Ku ma'inumma.

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

GALATIA 5:1

I ite orassa indi nal᷊iute, ana waugu Kristus buatte namallosi ite! Ana waugu udde paa'agassa apapallosa udde, wuṛṛu ariete pattingka allangnga apia.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

DARALO 116:7

I'o napatammudu naungku, ana waugu Mawu mapia si ya'u.

YESAYA 28:12

Mawu nangonggollu tampa pangillol᷊oanna si yamiu sarangkanambone, arawe i yamiu maddiri maddaringikka si Tou.

MATIUS 23:4

I mangitou mangngatokku manara masahada wuṛṛu mawakkatta, arawe i mangitou tawe mantul᷊ungngu taumata ma'ola'a manarane.

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

DARALO 38:4

I ya'u maradda'a mawakkata ana waugu asasa'u-Nu; taweddu pia lal᷊umanange su wadangku ana waugu rosa'u.

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

DARALO 94:13

I'o napatammuddi tou su manga allon asasilaka, na'oman sara nial᷊i loṛṛangnga ipanametta taumata lal᷊eo.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

MANNANASE 1:8

Sarangkanambone maawusa wuṛṛu awawusa udde tawe iawisara. Matan kite mangke tawe mal᷊aidda ma'ellega; tal᷊ingan kite tawe mawusa maddaringikka.

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

WATTI'U MANGA RASUL 15:10

E, anio i yamiu lullawangnga Ruata orassa indi ringannu nangonggolu winabbawa apan mawakkata su mallal᷊aṛṛenggenna indi, sumbal᷊i iupungngu al᷊amonang kite wuṛṛu i ite sassane lai tawe maatuṛṛutta manara udde?

AYUB 5:7

Wal᷊ine! Ewe'e ete taumata udde sassane apan nandantan asasilaka su waddangnge, naal᷊ihidda ṛente'u bunga api nilumapputta wuassu putungnge sassane.

DARALO 32:4

Allo ṛabbi I'o mannasa'u, Mawu, i ya'u niasueannu ikkata niiṛṛuppu matannallo.

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

AYUB 14:1

Ro'en niasungkangnga taumata udde lome, tawe maal᷊ore; uukke maautta see lai napenen asasusa.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

WATTI'U MANGA RASUL 20:35

Sulal᷊ummu al᷊awo'u hatto, i ya'u suete nanul᷊adda si yamiu manungku ringannu mammanara maṛṛimadda ereindi, i ite ṛinone mantul᷊ungngu manga taumata lome. Ana waugu i ite ṛinone mannaungnga apa apan suete niwal᷊o Mawu Yesus, ‘Lembon su lal᷊umanna'a i ite mangonggolla, wuassu i ite manengkamma.’ ”

YEREMIA 35:16

Papapulunni Yonadab matuṛṛutta su parentan iupungngu al᷊amona mangitou, arawe i yamiu maddiri tumuṛṛutta si Ya'u.