MATIUS 10:5 - WUKE SUSI WATTI'U AL᷊AL᷊USASSA

⁵ Sire mapul᷊o dua rasulle udde nirolokke Mawu Yesus ringannu tatantiro ereindi, “Imbaṛṛangnga inai su wageangngu leta'u manga taumata apan bal᷊ine Yahudi. Arie lai inai su manga soa taumatan Samaria.

MATIUS 10:5 Referans Kwoze

YOHANES 4:9

Wawinen Samaria udde sinumimbakka, “Mawu taumatan Yahudi, i ya'u taumatan Samaria; anio Mawu madorongnga ma'inumma ua'e wuassia'u?” (Ana waugu taumatan Yahudi tawe padaramene su taumatan Samaria.)

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

LUKAS 17:16

See su saruannu Mawu Yesus i tou nassubba wuṛṛu naadiangkamanna si Tou. Taumata udde taumatan Samaria.

WATTI'U MANGA RASUL 10:45

Manga taumatan Yahudi apan mangngimanna Mawu Yesus wuṛṛu taumata uatantalongnga si Petrus wuassu Yope, sarangkanambone naherangnga naasilo Ruata nangonggolu Ghaṛṛaho-Ne su manga taumata walahanna waine apan wal᷊ine Yahudi.

LUKAS 9:2

Wua'udde i Tou nandolokke mangitou inai mapaapian taumata marada'a wuṛṛu mamasingkattu watti'a su ola'u ereapa Ruata mamarenta ere sangkatou Ratu.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

YOHANES 20:21

See Mawu Yesus nabbisara si mangitou paassa lai, “Sal᷊amatta wuṛṛu paddarame si yamiu. Ere lai Iamangnga nandolo-U aroddi lai Ya'u mandolokki yamiu.”

YOHANES 7:35

See manga tembonannu Yahudi uawawisarate sangkatou ringannu waine, “Taumata indi inai suapa na'oman sara i ite tawe maasomba si Tou? Apa i Tou inai ringannu manga taumatan Yahudi apan uatana'a su wanua marau su wallattu taumatan Yunani, wuṛṛu mangngaṛṛa'a taumatan Yunani?

YOHANES 4:5

Ne na'omate Mawu Yesus su sambau soa su Samaria aranne Sikhar, tawe marau wuassu leta'a apan paarorone nionggolli Yakub su anangnge Yusuf.

LUKAS 10:33

Arawe wua'udde sangkatou taumata Samaria apan tantal᷊anna u'amatta, sinumabbi isudde. Napawe i tou naasilo taumata udde, naungnge nasusa wuṛṛu inumakkanna.

MATIUS 4:15

“Leta'i Zebulon wuṛṛu leta'i Naftali, su lal᷊anna watukku rano, su samba'an Sal᷊ukku Yordan, Galilea, leta'u taumata wal᷊ine Yahudi!

WATTI'U MANGA RASUL 8:1

Wuṛṛu i Saulus lulluassa lai su ola'u pamamate udde. Allo udde lai jamaatta su Yerusalem mannattake a'enggenanna, na'oman sara anambon taumata mangngimanna, tabene'e manga rasul, nassal᷊iawukke watukku ahewallu leta'u Yudea wuṛṛu Samaria.

YOHANES 8:48

Manga taumatan Yahudi udde sinumimbakka Mawu Yesus, “Wal᷊inewe atonna wisarang kami manungku I'o taumatan Samaria apan niasuttannu setanna?”

YOHANES 4:20

“Iupungngu al᷊amonang kami massubba Ruata su wuidda indi, arawe walahannu Mawu mabbisara manungku tumba'u su Yerusalem tampane taumata massubba Ruata.”

LUKAS 10:1

Wua'udde Mawu Yesus namile sire pitum pul᷊o mallal᷊aṛṛenggen-Ne lai, see nandolokki mangitou pattaṛṛa darua malliu ṛoro si Tou watukku al᷊awo'u soa wuṛṛu tampa apan rantanni Tou.

MATIUS 22:3

Ratu udde nandolokku manga ralol᷊oṛṛanne inai iapasal᷊oho manga taumata apan suete niwal᷊oanna su andeangnga udde. Arawe manga taumata apan niwal᷊oanna udde madiri rumanta.

MARKUS 6:7

I Tou namago sire mapul᷊o dua mallal᷊aṛṛenggen-Ne, see nandolokki mangitou pattaṛṛa ruang katou wuṛṛu inonggol᷊annu taṛṛino si mangitou ipallimbuakka manga ghaṛṛaho lal᷊eo.

LUKAS 9:1

Mawu Yesus namago sire mapul᷊o dua mallal᷊aṛṛenggen-Ne, see nangagillu taṛṛino si mangitou ipallimbuakka ghaṛṛaho lal᷊eo wuṛṛu mapaapian rada'a.

YOHANES 17:18

Ere lai Iamangnga suete nandolo-U su runia, aroddi lai Ya'u mandolokki mangitou watukku runia.