MATIUS 10:36 - WUKE SUSI WATTI'U AL᷊AL᷊USASSA

³⁶ Ore, apa apan sarun maola'a seetta ahewal᷊anne, eteudde lal᷊oṛṛon bal᷊e udde sassane.

MATIUS 10:36 Referans Kwoze

MIKHA 7:6

Ana waugu, sutempo ereindi lal᷊oṛṛon bal᷊e lai uasaseetta; ana'a esakka mallobbossa iamangnge, ana wawine lullawangnga inangngene, wuṛṛu manambo wawine uatatiakku la'iananne.

YEREMIA 12:6

I'o buatte nil᷊al᷊eo ewe'e wuassu tuṛṛangngu sassane; i mangitou lai suadio'a mammangalo si'o. Arie pangimanna si mangitou salaiwe wisara mangitou matemangnga.”

DARALO 41:9

I mangitou mabbisara, “Radange mawakkate atonna, i tou lai maawangunna.”

DARALO 55:13

Unnuwisara seetta mapasal᷊a'u, i ya'u ta'e wotongnge maataṛṛangnga. Unnu wisara ro'appa mallobbossa si ya'u, i ya'u ta'e wotongnge mailal᷊inda'i tou.

2 SAMUEL 16:11

Ana see i Daud nabbisara si Abisai apia wuṛṛu su allangnge sarangkanambone, “Ana'u sassane pia pandumma mamate si ya'u; anio i yamiu tinumiangnga naasilo pallal᷊aghu taumatan Benyamin indi? Ete Mawu apan nandolokki tou apan niapatal᷊a'u; ana waugu udde arie pa'indinge i tou wuṛṛu wala'e aroddi i tou mantal᷊a.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

1 SAMUEL 17:28

I Eliab iaangngi Daud pahul᷊une naaringikka i Daud uahahatton manga tantara. I tou mangke nasa'u si Daud wuṛṛu nabbisara, “Anio i'o nirumanta inawarendi? Isai buatte nirolokku niapapaddul᷊i manga pira dombanu mbau udde su wadda'a? I ya'u masingkatta, i'o maiellegu awawaṛṛaninu; darantanu inawarendi tumba'u ma'ellega pangalo?”

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

YOHANES 13:8

“Arie Mawu,” wisaram Petrus su Mawu Yesus, “Arie saran paassa Mawu mangukkassa ledda'u!” Arawe Mawu Yesus sinumimbakka, “Amungkangngu i Ya'u tawe mangukkassa leddanu, i'o tawe paa'aukka ringang-Ku.”

YESAYA 19:2

Mawu nabbisara, “i Ya'u sarun mamonsen ara'e mangangkatta pangalon sangka tuṛṛanganna su Mesir: Tuṛṛangnga mando'appa tuṛṛangnga, al᷊indonganna mando'appa al᷊indonganna, soa mando'appa soa wuṛṛu araratuanna mando'appa araratuanna.

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.