MATIUS 10:28 - WUKE SUSI WATTI'U AL᷊AL᷊USASSA

²⁸ Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

MATIUS 10:28 Referans Kwoze

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

YAKOBUS 4:12

Wutte'e tumba'u sangkatou apan wotongnge makkuumannu taumata wuṛṛu mamarikissa taumata. Eteudde Ruata apan uataṛṛino manal᷊amatta wuṛṛu mamate. Nariaddi, isai yamiu, na'oman sara i yamiu mapaasal᷊an sansul᷊ungu taumata?

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

MANNANASE 5:7

Arie tumiangnga maasilo tembonanne mangngallangnga taumata asiangnga, mangngaṛṛo pussa'an mangitou wuṛṛu tawe mangongnggolla si mangitou atatul᷊idda. Suapan mamanara lal᷊u'arannu tembonanne wuṛṛu itarua lal᷊u'arannu tembonanne apan mattaggaṛṛanna pangkanne.

1 PETRUS 3:14

Arawe salaiwe i yamiu uatataṛṛanga ana waugu ma'ola'a manga inolaanna mapia, i yamiu naauntunga! Arie paata'utti sai-sai wuṛṛu arie suminggawangnga.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

IBRANI 10:31

Asasusa eteapa amungkangu manawo su lima Ruata Apan Wiakka!

MATIUS 10:26

“Ariewe pa'atauttu taumata. Tawe apa apan uawuni, apan tawe asiloanna, wuṛṛu tawedu apa apan ia'adappingnga apan tawe asingkatanna.

IBRANI 11:35

Ana waugu mangngimanna, ne manga wawine naasomba apia manga taumatane apan natete. Piaddu lai apan ma'apulu sansaranna ma'oman sara mate, wuṛṛu maddiri ipallosa, ana waugu ma'apulu iapa'awiakka apia su sambau ringannu pabbawiakka apan lembon mapia.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

YOHANES 5:29

see sumabangnga wuassu lal᷊abinganna. Taumata apan suete na'ola'a apapia sarun mabangunna mabbiakka. Arawe taumata apan suete na'ola'a al᷊al᷊eo sarun mabangunna wuṛṛu iṛṛuumanna.”

AYUB 37:24

Ana waugu i Tou ṛinone addatannu anambon taumata, wuṛṛu taumata apan mangnga'u pande tawe panduan-Ne.”

2 MARARATU 17:39

Paatuṛṛutte si Ya'u Ruatanu, ne i Ya'u sarun mamallosi yamiu wuassu manga seennu.”