MATIUS 10:20 - WUKE SUSI WATTI'U AL᷊AL᷊USASSA

²⁰ Ana waugu mabbisara su tempo udde wal᷊inewe yamiu, arawe Ghaṛṛahon Iamangnga su surga, uaṛṛundinganna si yamiu.

MATIUS 10:20 Referans Kwoze

WATTI'U MANGA RASUL 6:10

Arawe i mangitou tawe maapanompolla wisaran Stefanus, ana waugu Ghaṛṛahon Ruata mangngonggolu apande si tou iapawisara.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

LUKAS 12:12

Ana waugu apa apan sarun iwisaranu udde, sarun itantiron Ghaṛṛahon Ruata si'o su temponete.”

2 SAMUEL 23:2

Ghaṛṛahon Mawu buatte nabbisara si ya'u; tanata wuṛṛu ṛengetan-Ne indi su wiwi'u.

2 PETRUS 1:21

Ana waugu, tawe saran paassa tanatan Duata ipappasingkata tumba'u ana waugu apulun taumata. Arawe Ghaṛṛahon Duata uataṛṛino su tamuata apan mammasingkatu tanata Ruata sassane.

WATTI'U MANGA RASUL 4:8

I Petrus apan niintaṛṛoannu Ghaṛṛahon Ruata, sinumimbakka, “Manga mawu piaṛṛa'u walahanna, wuṛṛu manga mawu wageangngu mallaṛṛuungnga!

WATTI'U MANGA RASUL 2:4

I mangitou sarangkanambone naasomba taṛṛinon Ghaṛṛahon Ruata, wuṛṛu nanattakke mabbisara sulal᷊ummu al᷊awo'u manga wisara waine. I mangitou mabbisara tumuṛṛuttu apa apan ia'onggolu Ghaṛṛaho udde si mangitou iapawisara.

2 KORINTUS 13:3

Ne i yamiu sarun maasomba anambon tatialane apan ipaapulun kamiu manungku Kristus atonna-tonna mabbisara si ya'u. Amungkangngu Kristus mamasingkata si yamiu, i Tou tawe mamasingkata ringannu al᷊allome, arawe ṛinone i Tou mapaal᷊iatta'u taṛṛino-Ne su wallatti yamiu.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

WATTI'U MANGA RASUL 28:25

Ringannu ṛingidda uata'ae i mangitou nanantangngu tampa udde, napawe i Paulus nabbisara arendi si mangitou, “Mangke atonna papasingkattu Ghaṛṛahon Ruata si Nabi Yesaya su iupungngu al᷊amonan kamiu!

WATTI'U MANGA RASUL 13:9

Arawe i Saulus – apan isassago lai i Paulus – pia taṛṛinon Ghaṛṛahon Ruata, na'oman sara i tou nanutudda taṛṛa wal᷊iimmata udde,

LUKAS 11:13

Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

MARKUS 12:36

Wutte'e Daud sassane – ana waugu nirantannu Ghaṛṛaho Ruata – nabbisara, ‘Mawu nabbisara su Mawu-U: a'iante su samba'an uanang-Ku ma'oman sara i Ya'u ma'ola'a manga seennu massuṛṛubawa si'o.’

MATIUS 6:32

Sarangkanambone udde sidutu raddeaannu taumata apan tawe maaillal᷊a Ruata. Arawe Iamangngu su surga, masingkatta manungku i yamiu maapulun sarangkanambone udde.

SASABANGNGA 4:12

Orassa indi, roote, i Ya'u sarun mantul᷊ungngu mabbisara wuṛṛu mangaṛṛa'u sarangkanambone apan ṛinone iwisaranu.”

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.