MATIUS 1:12 - WUKE SUSI WATTI'U AL᷊AL᷊USASSA

^12-16 Wuassu tempom balahannu Israel niṛṛuumanna su Babel na'oman sara asasungkangngu Mawu Yesus, nawoṛṛetta manga aranna ereindi: i Yekhonya, i Sealtiel, i Zerubabel, i Abihud, i Elyakim, i Azur, i Zadok, i Akhim, i Eliud, i Eleazar, i Matan, i Yakub, i Yusuf awingngi Maria. Wuṛṛu wuassi Maria uddewe nasungkangke Mawu Yesus apan isassaggo lai Kristus.

MATIUS 1:12 Referans Kwoze

1 TAWARIKH 3:17

Eteindi papapulunni Yoyakhin, ratu apan niatawannu taumatan Babel. Parinsine siri 7 su atoune: i Sealtiel,

EZRA 3:2

ana see Yesua ana'i Yozadak see ringanne manga imam wuṛṛu Zerubabel ana'i Sealtiel see manga tuṛṛangnge, na'ola'a apia mezbah Duatan Israel. Ringannu aroddi i mangitou wotongnge manambbunnu amania isudde, uasul᷊ungngu manga tatantiro apan uawoṛṛetta sulal᷊ummu buke Titan Musa allangngu Ruata.

LUKAS 3:27

ana'i Yohanan, ana'i Resa, ana'i Zerubabel, ana'i Sealtiel, ana'i Neri,

HAGAI 1:14

Etearoddi Mawu nangal᷊oren naungngu Gubernure Zerubabel, Imam Bahewa Yosua see anambon taumata apan buatte nabbelengnga wuassu pamamuanganna, tadea'u i mangitou sarangkanambone mammanara mabbangunna Wal᷊en Mawu Apan Lembontaṛṛino, Ruatan mangitou.

HAGAI 2:23

Su allo udde i'o Zerubabel, allang-Ku, sarun Ta'u itenega mamarenta ringannu arang-Ku. Ana waugu ete i'o apan buatte Ta'u nipile.” Mawu Apan Lembontaṛṛino buatte nabbisara.

HAGAI 2:2

Mawu nandolokki Hagai mabbisara si Gubernure Zerubabel, Imam Bahewa Yosua, see tumanangnge iapapasingkattu tanata indi,

HAGAI 1:12

Wua'udde Zerubabel wuṛṛu Yosua see anambon umattu Israel buatte nabbelengnga wuassu pamamuanganna su Babel, tinumuṛṛutta manga wisaran Hagai, daroloṛṛannu Mawu udde. I mangitou tinumuṛṛuttaapa apan buatte niparentan Mawu si mangitou, ana waugu matta'uttu Mawu.

HAGAI 1:1

Su tonna aruane i Ratu Darius uaparenta su Persia, su allo paarorone wul᷊ana iaannumme, Mawu nabbisara ringannu nappaatti Nabi Hagai. Tanatan Mawu udde iwuna'a si Zerubabel ana'i Sealtiel, gubernuren Yehuda, wuṛṛu su Imam Bahewa Yosua ana'i Yozadak.

YEREMIA 22:28

I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

YEREMIA 22:24

Mawu nabbisara si ratu Yoyakhin, ana'i Yoyakim ratun Yehuda, “Ringannu arang-Ku, Ruata apan biakka, i Ya'u mabbisara manungku salaiwe i'o si Ya'u ere sinsingnga meterai su lima uanang-Ku, arawe i'o sarun Ta'u sawutanna

NEHEMIA 12:1

Eteindi manga imam wuṛṛu manga taumatan Lewi apan nabbelengnga wuassu pamamuanganna suaddio'a ringanni Zerubabel ana'i Sealtiel wuṛṛu ringanni Imam Bahewa Yesua:

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

2 MARARATU 25:27

Su allo rua pul᷊o pitune wul᷊anna mapul᷊o dua sulal᷊ummu tonna tallun pul᷊o pitu, napawe i Yoyakhin buatte niapidda watukku panamuanganna, i Ewil-Merodakh naola'a ratun Babel. Su tonna udde lai i tou napal᷊iatta'u darangngune si Yoyakhin, wuṛṛu namallosi tou wuassu tattupanna,

2 MARARATU 24:14

I Ratu Yoyakhin, inangnge, manga awingnge, manga mammamanaran araratuanne, wuṛṛu manga piaṛa'u Yehuda – sarangkanambone 7.000 su atoune atummanaṛṛane – niasametta wuṛṛu niapidda watukku Babel. See lai mapapande manara wuṛṛu manga mananassala anambone 1.000 su atoune, sarangkanambone taumata matatohassa wuṛṛu waṛṛani mapapangalo. Manga taumata pallal᷊awannu ratu, wuṛṛu manga taumata atumannaṛṛane lai niapidda watukku tampa pamamuanganna – sarangkanambone 10.000 su atoune. Maranin nasaggo tumana'u Yerusalem niapidda; natantanga tumba'u ingana'a asiangnga.

YEREMIA 22:30

“Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

MATIUS 1:17

Nariaddi wuassi Abraham na'oman sara i Daud, sarangkanambone mapul᷊o appatta su rawanne, wuassi Daud na'oman sara walahannu Israel niṛṛuumanna su Babel, udde lai mapul᷊o appatta su rawanne. Wuassu tempon Israel niṛṛuumanna su Babel na'oman sara asasungkangngu Mawu Yesus Kristus udde lai mapul᷊o appatta su wageangnge.