MARKUS 9:9 - WUKE SUSI WATTI'U AL᷊AL᷊USASSA

⁹ Su tempo i mangitou sinumossokke wuassu wuidda udde, Mawu Yesus napaanaungnga si mangitou, “Arie pabbatti'a sisai-sai, apa apan suete niasiloanni i yamiu tanginna tantal᷊anna Ana'u Taumata taambe niapawangunna wuassu papate.”

MARKUS 9:9 Referans Kwoze

MARKUS 5:43

Arawe Mawu Yesus mangke manningaddi mangitou mabatti'u olangnge udde sisai-sai. See i Tou nabbisara, “Onggol᷊eten anna ana'a udde.”

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

LUKAS 24:46

See i Tou nabbisara si mangitou, “Sulal᷊ummu Wuke Susi uawoṛṛetta manungku Ratum Punnu Sal᷊amatta ṛinone matataṛṛangnga, wuṛṛu sarun mabangunna apia wuassu papate su allo atallune.

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MATIUS 12:19

I Tou sarun tawe matatiakka ara'e mangngintul᷊i, ara'e mabbisara su manga lal᷊anna.

MATIUS 8:4

See Mawu Yesus nabbisara si tou, “Naunge! Arie pabbatti'a sisai-sai. Arawe roote ringannu imam, wuṛṛu paddorongnga si tou manantunna manungku i'o napiate. Wua'udde anggil᷊a'e sasamba apan suete nitita Musa, maola'a manga tatiala su taumata manungku i'o napiate atonna!”

MARKUS 7:36

See Mawu Yesus naningaddi mangitou sarangkanambone mabatti'u inolaanna udde sisai-sai. Arawe mangkasingadde Mawu Yesus, i mangitou mangke mabatti'a lai.

MARKUS 9:8

Mal᷊iha-l᷊ihakka i mangitou na'ellega su uapal᷊iwutta si mangitou, wuṛṛu tawe naasilo manga apa isudde ringanni mangitou, tumba'u Mawu Yesus sassane.

MARKUS 9:10

I mangitou tinumuṛṛutte tanata udde, arawe su wallatti mangitou sassane nanattakke uahahatto apa pandumannu Mawu Yesus nabbisara “mabbiakka apia wuassu papate”.

LUKAS 9:36

Napawe tingikka udde naddote, i mangitou naasilo Mawu Yesus sassane isudde. Mallal᷊aṛṛenggennu Mawu Yesus nallannaba su ola'u sarangkanambone apan nariaddi udde, wuṛṛu tawe nabatti'a sisai-sai apa apan suete niasiloanni mangitou.