MARKUS 9:50 - WUKE SUSI WATTI'U AL᷊AL᷊USASSA

⁵⁰ Asimma udde mapia, arawe amungkangngu naola'a maammi, wotongngewe iapaapakkada apia? Nariaddi, ṛinone yamiu maola'a ere asimma – pabbiakke su sampunna ringannu paddarame.”

MARKUS 9:50 Referans Kwoze

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

ROMA 12:18

Wuassu sambaanu padea'a mabbiakka su paddarame ringannu taumata nambo.

MATIUS 5:13

“Ete i yamiu uddewe asimmu runia. Amungkangngu asimma udde nawal᷊u maammi, apa wotongnge iapaapakkada apia? Tate gunane lai, ewe'e iramme wuṛṛu ṛindannu taumata.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

AYUB 6:6

Arawe anna maammisa, isai maapulu? Tawe mariaddi mawiran tallukka pia temangnge?

1 TESALONIKA 5:13

Pangaddatta si mangitou ringannu mapia-pia wuṛṛu ringannu paddararangngu ana waugu ipannaungnga apa apan suete niola'i mangitou. Pabbiakke sidutu ringannu paddarame.

EFESUS 4:29

Amungkangu i yamiu maggahatto, arie mappaattu wisara lal᷊eo. Pappaatten manga wisara apan mannantiro wuṛṛu mantul᷊ungnu taumata waine. Manga wisara ereudde sarun mapaarantan apapia su manga taumata apan naddaringikka.

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

YAKOBUS 1:20

Taumata mal᷊ihakka masa'u tawe maaola'a inolaanne apan mapia, apan maal᷊uassa naungngu Ruata.

2 TIMOTIUS 2:22

Pangindau manga lal᷊umanna'u taumata dario'a. Pabbiakke tumuṛṛuttu apulun Duata, paatuṛṛutta su al᷊aṛṛang-Nge wuṛṛu paarangngu taumata sansul᷊unga, wuṛṛu pia atatammudu naungnga. Pabbiakke aroddi suadio'a ringanni mangitou apan sussal᷊ande madorongnga tul᷊unganna su Mawu ringannu naungnga waresi.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

MARKUS 9:34

I mangitou tawe sinumimbakka, ana waugu tanginna su tangngan dal᷊anna i mangitou uatatiakka su ola'u isai ahewal᷊anne.

DARALO 133:1

Aantarin patatembon Daud. Apiawe eteapa wuṛṛu al᷊uassawe eteapa, amungkangu al᷊aṛṛana'u Ruata mabbiakka su paddarame!

YEHEZKIEL 43:24

see apira'a ringang-Ku. Manga imam ṛinone manal᷊iawukku haramma su wowon binatangnga darua udde wuṛṛu manambunnu udde maola'a sasamba si Ya'u.

MARKUS 9:49

Sangkatou-sangkatou sarun waresiannu putungnga ere sasamba apan wabaresiannu asimma.