MARKUS 9:43 - WUKE SUSI WATTI'U AL᷊AL᷊USASSA

⁴³ Amungkangngu limanu ma'arosa si'o, pototta limanu udde! Mappianne i'o mabbiakka ringannu Ruata tawe limanu samba'a wuassu i'o ringannu limanu ruam ba'a masutta su naraka, eteudde putungnga apan tawe mappadumma. [

MARKUS 9:43 Referans Kwoze

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

MATIUS 5:22

Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

GALATIA 5:24

Manga taumata apan naola'e pussa'an Kristus Yesus, manga taumata udde buatte nanantangngu pallal᷊agun taumata ringannu al᷊awo'u apulu naungnge wuṛṛu pallal᷊agune.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

ROMA 8:13

Amungkangngu i yamiu mabbiakka tuttuṛṛutta apulun taumata, i yamiu sarun mate; arawe amungkangngu ringannu taṛṛinon Ghaṛṛahon Duata, i yamiu lapiddu mamallossu manga pallal᷊agunu apan marosa, ne i yamiu sarun mabbiakka.

LUKAS 14:13

Nariaddi, amungkangngu i'o ma'ola'a andeangnga, wal᷊oite taumata asiangnga, taumata pia sangkulle, taumata lome wuṛṛu taumata wuta.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

1 KORINTUS 9:27

I ya'u namalan wadangku aṛṛaanna ringannu matohassa ma'oman sara i ya'u wotongnge maasingkatta atonna. I ya'u ma'ola'a aroddi, ana waugu i ya'u maddiri ma'oman sara mariaddi manungku napawe i ya'u mangahe taumata waine mattandinganna i ya'u sassane tawe niwal᷊i ara'e nito'e.

LUKAS 14:21

Mangangimbe udde napul᷊ete wuṛṛu nabal᷊on olangnge udde su mawune. Mawune mangke nasa'u, wuṛṛu nabbisara su mangangimbene, ‘Paal᷊ihakka inai su manga lal᷊anna wuṛṛu manga sasuttanna su soa. Apira'e isindi taumata asiangnga, taumata pia sangkulle, taumata wuta, wuṛṛu taumata lome.’

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

MATIUS 17:27

Arawe arie i ite mapaasusa naungngu manga taumata udde. Nariaddi, roote su rano pamaṛṛungnga. Apira'a inassa paarorone niawaṛṛungannu. Sulal᷊ummu moṛṛongngu inassa udde, i'o sarun maasomba roitta apan botongnge ipamaekka wosen kadua. Anute roitta udde wuṛṛu waeṛṛete si mangitou wosen kite hunan Bal᷊e Mawu.”

MARKUS 9:44

Poiaroddi putungnga tawe mappadumma wuṛṛu ul᷊ida tawe mate.]

LUKAS 3:17

Su lima-Ne pia niṛṛu ipattappa ammene ma'oman sara mawaresi. Amme sarun iammulla su wal᷊ingkakka, arawe anambon wal᷊aane sarun tutunganna su putungnga apan tawe mapadumma!”