MARKUS 9:41 - WUKE SUSI WATTI'U AL᷊AL᷊USASSA

⁴¹ Paanaunge! Taumata apan mappa'inummi yamiu, ana waugu yamiu mallal᷊aṛṛenggennu Ratum Punnu Sal᷊amatta, i tou sarun manengkamma lal᷊antakke.”

MARKUS 9:41 Referans Kwoze

MATIUS 10:42

Isai-sai mappa'inumma, salaiwe tumba'u ua'e tallangnga, su sangkatou su wallattu manga taumata asiangnga indi, ana waugu i tou mallal᷊aṛṛenggeng-Ku, pangimanna i tou sarun manengkamma lal᷊antakke!”

MATIUS 25:40

Ratu udde sarun sumimbakka, ‘Asingkate: su tempo i yamiu ma'ola'a inolaanna udde, salaiwe su wallattu sangkatou taumata wuassu manga tuṛṛangku apan addio'anne, ere lai yamiu na'ola'a si Ya'u!’

2 KORINTUS 10:7

Ṛinone i yamiu maatutukka inolaanna apan atonna. Amungkangngu sangkatou mangngimanna manungku i tou tatahuananni Kristus, ṛinone i tou managu watanganne sassane wuṛṛu manualaga manungku i yami lai tatahuananni Kristus ere lai i tou.

1 KORINTUS 15:23

Arawe sangkatou-sangkatou sarun iapaawiakka tumuṛṛuttu wageangnge: Paarorone Kristus, wua'udde napawe su tempo i Tou rumanta apia, manansunna wageangngu manga taumata apan nareengnga tatahuananni Kristus.

ROMA 14:15

Arawe amungkangngu ringannu apa apan aannanannu, sangkatou tuṛṛangnga su pangangimanna sambau niapaasusa naungnge, ne tuṛṛangnga tawe nappaamattu paddarame. Amungkangngu Kristus buatte nate ana waugu sangkatou taumata, arie mamalan taumata udde mal᷊al᷊eo ringannu apa iwabboonu.

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

GALATIA 5:24

Manga taumata apan naola'e pussa'an Kristus Yesus, manga taumata udde buatte nanantangngu pallal᷊agun taumata ringannu al᷊awo'u apulu naungnge wuṛṛu pallal᷊agune.

GALATIA 3:29

Amungkangngu i yamiu tatahuanni Kristus ne eteudde i yamiu papapulunni Abraham. Ne i yamiu sarun manengkamma apa apan buatte pina'iren Duata.

1 KORINTUS 3:23

Wuṛṛu i yamiu udde tatahuanni Kristus, wuṛṛu Kristus tatahuannannu Ruata.

MARKUS 4:10

Su tempo Mawu Yesus sassane, manga taumata apan suete naaringikka al᷊aṛṛang-Nge nirumanta ringanni Tou su sampunna ringannu sire mapul᷊o dua mallal᷊aṛṛenggen-Ne. I mangitou madorongnga si Tou manal᷊a'an atappasannu sasumandingnga udde.