MARKUS 9:35 - WUKE SUSI WATTI'U AL᷊AL᷊USASSA

³⁵ Mawu Yesus inuma'ianna, see namagote sire mapul᷊o dua mallal᷊aṛṛenggen-Ne udde. I Tou nabbisara si mangitou, “Taumata apan maapulu maola'a paarorone, i tou sarun maola'a panginsueanne wuṛṛu sarun maola'a mangangimbe-taumata nambo.”

MARKUS 9:35 Referans Kwoze

LUKAS 22:26

Arawe i yamiu tawe wotongnge aroddi. Ewe'e mawal᷊i'a taumata wahewa su wallatti yamiu ṛinone maola'a adio'anne, wuṛṛu piaṛṛangnge ṛinone maola'a ere sangkatou mangangimbe.

MATIUS 23:11

Taumata apan ahewal᷊anne su wallatti yamiu ṛinone maola'a mangangimbeng kamiu.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

MARKUS 9:36

Wua'udde Mawu Yesus nangehetta sangkatou ana'a adio'a, wuṛṛu ana'a udde niapararisikka su saruanni mangitou sarangkanambone. Mawu Yesus naṛṛa'uppa ana'a udde wuṛṛu nabbisara su mallal᷊aṛṛenggen-Ne,