MARKUS 9:29 - WUKE SUSI WATTI'U AL᷊AL᷊USASSA

²⁹ Mawu Yesus sinumimbakka, “Ghaṛṛaho lal᷊eo ere udde tawe aal᷊imbuaṛṛanna ringannu al᷊awo'u inolaanna, tumba'u aal᷊iomanna.”

MARKUS 9:29 Referans Kwoze

YAKOBUS 5:15

Amungkangu aal᷊iomanni mangitou niruitta ringannu pangangimanna, Mawu sarun mapaapian taumata maradda'a udde, wuṛṛu mangampunga manga rosa apan suete niolangnge.

MATIUS 17:20

Mawu Yesus sinumimbakka, “Ana waugu pangangimanni yamiu lome. Naunge! Amungkangngu i yamiu pia pangangimanna ere ahewallu watun sawi, i yamiu wotongnge mabbisara wuidda indi, ‘Pangingkatta poiaroddi!’ Ne atonna tonna wawone udde sarun ma'ingkatta. Tawe saran sambau manara apan tawe ia'ola'i yamiu! [

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

2 KORINTUS 12:8

Paatallu i ya'u u'al᷊iomanna su Ruata tadea'u radda'a udde marau wuassi ya'u.

2 KORINTUS 11:27

I ya'u mattingkasahadda wuṛṛu mammanara maṛṛimadda: pattaṛṛa assa tawe matiilla, tawe umanna, tawe ma'inumma, masokka i ya'u umamatta mal᷊unussa, aamansungeanna, ana waugu tawe laubba wuṛṛu tawe tampa atatanaanna.

LUKAS 11:26

See i tou inaite wuṛṛu nangapiddu sire pitu ghaṛṛaho waine apan nangillembo aral᷊eoanne wuassi tou. Wua'udde i mangitou sinumuttate sulal᷊ummu taumata udde see natana'e isudde. Wuṛṛu panginsueanne taumata udde nangillemboten aral᷊eoanne wuassu paarorone.”

1 KORINTUS 9:27

I ya'u namalan wadangku aṛṛaanna ringannu matohassa ma'oman sara i ya'u wotongnge maasingkatta atonna. I ya'u ma'ola'a aroddi, ana waugu i ya'u maddiri ma'oman sara mariaddi manungku napawe i ya'u mangahe taumata waine mattandinganna i ya'u sassane tawe niwal᷊i ara'e nito'e.

WATTI'U MANGA RASUL 14:23

Wuṛṛu su al᷊awo'u jamaatta, i Paulus wuṛṛu i Barnabas nanenegu manga piaṛṛangnge su jamaatta udde. See ringannu u'al᷊iomanna wuṛṛu mappuasa, i mangitou nanantillu manga piaṛṛangnge udde su Mawu apan pangngimananni mangitou.

MATIUS 12:45

See i tou inaite wuṛṛu nangapiddu pitu ghaṛṛaho waine apan nangillembon aral᷊eone wuassi tou. Wua'udde i mangitou sinumuttate sulal᷊ummu taumata udde, see natana'a isudde. Wuṛṛu panginsueanne taumata udde niatambanna aral᷊eone wuassu paarorone. Udde lai sarun mariaddi su manga taumata lal᷊eo su tempo indi.”

2 KORINTUS 6:5

i yami nisansaranna, niṛṛuumanna, wuṛṛu niṛṛimpulunanna, i yami mammanara maṛṛimadda, mal᷊awa matiilla, wuṛṛu masokka lai tawe maasomba anna.

MATIUS 17:21

Arawe ghaṛṛaho lal᷊eo ereindi, tumba'u wotongnge limbuaṛṛannu aal᷊iomanna wuṛṛu mappuasa.]”

MARKUS 9:28

Napawe Mawu Yesus su wal᷊ete, manga mallal᷊aṛṛenggen-Ne nirumanta passangkatou ringanni Tou wuṛṛu naiwal᷊o, “Anio i yami tawe maal᷊imbuakka ghaṛṛaho lal᷊eo udde?”

MARKUS 9:30

Mawu Yesus wuṛṛu mallal᷊aṛṛenggen-Ne nanantangken tampa udde wuṛṛu inaite nanassu amatanna sinumabbi Galilea. Mawu Yesus madiri tampa atatanaan-Ne asingkatannu taumata,