MARKUS 9:24 - WUKE SUSI WATTI'U AL᷊AL᷊USASSA

²⁴ Iamangngu ana'a udde lapiddu inumui, “Mawu, i ya'u mangngimanna, arawe pangangimangku adio'a. Tul᷊unga'a i ya'u tadea'u a'atambanna lai pangangimangku!”

MARKUS 9:24 Referans Kwoze

LUKAS 17:5

Manga rasul nabbisara Mawu Yesus, “Mawu, tohassawe pangangimanni yami.”

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

EFESUS 2:8

Ruata niumakkani yamiu, ana waugu udde i Tou nanal᷊amatta si yamiu, ana waugu i yamiu mangngimanna Mawu Yesus. Asasal᷊amatti yamiu udde wal᷊inewe asombangu asasahaddu sassane. Sarangkanambone udde aonggolu Ruata. Nariaddi, tawe saran sangkatou apan wotongnge mamungan watanganne su olangnge udde.

2 TESALONIKA 1:11

Ana waugu udde i yami sidutu u'al᷊iomanni yamiu. I yami u'al᷊iomanna tadea'u Ruata ma'ola'a si yamiu wotongnge mabbiakka tumuṛṛutta apulu-Ne; ana waugu udde i Tou namaggo si yamiu. Doronganna Ruata, ringannu taṛṛino-Ne, manuungngu apulu-Ne ma'ola'a apapia, wuṛṛu manuungngu anambon manara apan a'olaanni yamiu ana waugu mangngimanna si Kristus.

2 TESALONIKA 1:3

Manga tuṛṛangnga, i yami siddutu ma'adiangkamanna su Ruata ana waugu i yamiu. Wuṛṛu mangngimanna si Kristus, wuṛṛu i yamiu lembon uararangngu sangkatou ringannu waine.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

2 KORINTUS 2:4

I ya'u namoṛṛettu suratta si yamiu ringannu naungnga massusa wuṛṛu ipabbawata'a wuṛṛu ringannu manambo mapaaturon allo mata. Pandumangku wal᷊ine tadea'u i yamiu masusa, arawe tadea'u i yamiu maatutukka manungku i ya'u lembon mandangngu si yamiu.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

YEREMIA 14:17

I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

2 TIMOTIUS 1:4

I ya'u maanaungnga asasusa naungngu. Ana waugu udde i ya'u maapulu tassul᷊unge maisasombanu tadea'u atonna-tonna i ya'u mal᷊uassa,

LUKAS 7:44

See Mawu Yesus na'ellega wawine udde wuṛṛu nabbisara si Simon, “I'o naasilo wawine indi? I Ya'u nirumanta su wal᷊enu, arawe i'o tawe nanaddia ua'e ipangukkassa ledda-U; arawe wawine indi suete nangukkassa ledda-U ringannu allo matane, wuṛṛu nipeddan utangnge.

LUKAS 7:38

I tou dirumarisikka su liuddu Mawu Yesus maranin leddane wuṛṛu nilumuai lapiddu naṛṛolo ledda Mawu Yesus ringannu allo matane. Wua'udde ledda Mawu Yesus pineddan utangnge see niari'i tou wuṛṛu niwokkannu lana mawangngi.

DARALO 39:12

Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

2 MARARATU 20:5

niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

IBRANI 12:17

I yamiu masingkata manungku wua'udde i Esau ma'apulu maasomba al᷊amatta udde wuassu iamangnge, arawe i tou nito'e. Ana waugu salaiwe ringannu lal᷊uai tou maddea'a lal᷊anne ipangapia passasal᷊ane, arawe allo ipaddea'a udde nasuete.

WATTI'U MANGA RASUL 10:19

Tantal᷊anna i Petrus ta'e maddea'a maasingkatta apa atappasannu sondappa udde, Ghaṛṛahon Ruata nabbisara si tou, “Ei Petrus, pia sire tallu maddea'a si'o.

MARKUS 9:23

“Apa wisaranu? Amungkangngu Iamangnga wotongnge?” sasimbakku Mawu Yesus. “Sarangkanambone wotongnge, sambal᷊iate taumata mangngimanna!”

MARKUS 9:25

Napawe Mawu Yesus naasilo manungku taumata mannattakke rudanta maṛṛimpulunna, i Tou namarenta ghaṛṛaho lal᷊eo udde ringannu nabbisara, “Ghaṛṛaho wengella wuṛṛu mou, i Ya'u mandolokku; sabbangnga wuassu ana'a indi wuṛṛu ariete passutta si tou apia.”