MARKUS 9:13 - WUKE SUSI WATTI'U AL᷊AL᷊USASSA

¹³ Arawe i Ya'u mabbisara si yamiu: i Elia suete nirumanta, wuṛṛu manga taumata na'ola'a si tou walate apulu mangitou. Udde naṛṛino ere suete niwoṛṛeta sulal᷊ummu Wuke Susi su ola'u watanganne.”

MARKUS 9:13 Referans Kwoze

MATIUS 11:14

Wuṛṛu amungkangngu i yamiu mangngimanna, i Yohanes uddewe i Elia, apan darantane suete niapasingkatta.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

LUKAS 1:17

I Tou sarun maola'a ralol᷊oṛṛannu Mawu apan matohassa wuṛṛu mataṛṛino ere i Elia. I tou sarun mangonggolu paddarame su iamangnga wuṛṛu ana'a, wuṛṛu taumata apan tawe tumuṛṛutta sarun ehetanne apia sulal᷊ammu ṛingiṛṛanna apan mapia. Ringannu aroddi i tou nanaddia sambau walahanna apan nasaddiate huna Mawu.”

MARKUS 9:12

Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

MARKUS 9:14

Napawe Mawu Yesus wuṛṛu sire tallu mallal᷊aṛṛenggen-Ne nawelengke apia ringannu mallal᷊aṛṛenggen-Ne waine, i mangitou naasilo pia taumata manambo isudde. Manga pira hurun agama tantal᷊anna uasasimbakku mallal᷊aṛṛenggennu Mawu Yesus isudde.