MARKUS 9:12 - WUKE SUSI WATTI'U AL᷊AL᷊USASSA

¹² Mawu Yesus sinumimbakka, “I Elia atonna nirumanta paarorone ana waugu manuungngu sarangkanambone. Arawe ereapa olangnge ringannu Ana'u Taumata? Anio sulal᷊ummu Wuke Susi uawoṛṛetta manungku i Tou sarun matataṛṛangngu anambon asasusa wuṛṛu aal᷊uandahannu taumata?

MARKUS 9:12 Referans Kwoze

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

YESAYA 52:14

Dorone manambo taumata niṛṛumindu'a naasilo si tou, pahudde nihohakka na'oman sara tate ere taumata lai.

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

LUKAS 1:76

I'o, ei Ana'u, sarun isago nabi Ruata Lembon Atanggaṛṛanne. I'o apan nirolokka malliu ṛoro Mawu wuṛṛu mamu'a lal᷊an-Ne,

MALEAKHI 4:6

I tou sarun ma'ola'a manga iamangnga wuṛṛu manga al᷊aṛṛana'a naungnga sambua, tadea'u i Ya'u tate rumanta mamate wanuanu.”

LUKAS 23:39

Sangkatou wuassu wallattu taumata lal᷊eo apan uaarussa isudde mangngadio'a lai Mawu Yesus. I tou nabbisara, “Ete I'o Ratum Punnu Sal᷊amatta udde? Ei, panal᷊amatte riri-Nu wuṛṛu si yami!”

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

MATIUS 16:21

Nanattakka wuassu orassa udde, Mawu Yesus nabbisara ringannu uahahati su mallal᷊aṛṛenggen-Ne, manungku i Tou sarun inai su Yerusalem wuṛṛu mamendamma anambon asasusa wuassu manga piaṛṛangnge, manga imam tembonanne, wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

DARALO 74:22

Darisikke oh Ruata, ṛawesa'e hatto-Nu! Ana waugu su al᷊o'engngu allo I'o lallobbosannu manga taumata apan tawe mangimanna Si'o.

MARKUS 9:13

Arawe i Ya'u mabbisara si yamiu: i Elia suete nirumanta, wuṛṛu manga taumata na'ola'a si tou walate apulu mangitou. Udde naṛṛino ere suete niwoṛṛeta sulal᷊ummu Wuke Susi su ola'u watanganne.”

MARKUS 9:31

ana waugu i Tou tantal᷊anna mangngaṛṛa'a mallal᷊aṛṛenggen-Ne. “Ana'u Taumata sarun itantilla su taṛṛinon taumata,” aroddi unnu Mawu Yesus, “wuṛṛu i Tou sarun pateanna, arawe su allo atallune i Tou sarun mabangunna apia!”

MARKUS 10:33

“Padaringikka,” wisara-Ne, “I ite orassa indi tantal᷊anna mattudan Yerusalem. Poiaroddi Ana'u Taumata sarun itantilla su manga imam tembonanne wuṛṛu manga hurun agama. I Tou sarun iṛṛuumanna ma'oman sara mate, wua'udde itantilla su manga taumata wal᷊ine Yahudi.

WATTI'U MANGA RASUL 1:6

Napawe manga rasul udde uaammulla su sampunna ringannu Mawu Yesus, i mangitou naiwal᷊o si Tou, “Mawu, apa orassa indi Mawu mapararisika apia Araratuannu walahannu Israel?”

WATTI'U MANGA RASUL 4:11

Ete Mawu Yesus udde apan su pandummu aaddoanne indi sulal᷊ummu Wuke Susi, ‘Watu apan tate ipaatta su manga wal᷊e, nasemakka naola'e watu apan paarorone.’