MARKUS 8:8 - WUKE SUSI WATTI'U AL᷊AL᷊USASSA

^8-9 I mangitou inumanna na'oman sara nal᷊aidda – iraṛṛangngo pia appatu ṛiwu su atoune taumata inumanna. Wua'udde mallal᷊aṛṛenggennu Mawu Yesus nangammullu lamben anna – pitung kul᷊a'a napene-pene. See Mawu Yesus nandolokku manga taumata udde niapaapul᷊e,

MARKUS 8:8 Referans Kwoze

MATIUS 16:10

Wuṛṛu ereapa lai ringannu pitum bau roti apan tinahia su appattu ṛiwu su atoune udde? Pirang kul᷊a'a roti lambene niammulli yamiu?

DARALO 145:16

I'o mannuungngu al᷊awo'u hausanni mangitou, na'oman sara i mangitou tawe maawussa.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

LUKAS 1:53

Taumata mal᷊unussa niapaal᷊aidu al᷊awo'u apapia, taumata ala nillimbuaṛṛanna tawe ul᷊ene.

MATIUS 14:20

I mangitou sarangkanambone inumanna na'oman sara nal᷊aidda. Wua'udde mallal᷊aṛṛenggennu Mawu Yesus nangammullem lamben anna udde: mapul᷊o dua su ul᷊angnge napene-pene.

MATIUS 15:37

Anambon taumata udde inumanna na'oman sara nal᷊aidda wua'udde mallal᷊aṛṛenggen-Ne nangammullu lamben anna udde. Sarangkanambone pitung kul᷊a'a napene-pene.