MARKUS 8:33 - WUKE SUSI WATTI'U AL᷊AL᷊USASSA

³³ Arawe Mawu Yesus nanaile wuṛṛu na'ellega mallal᷊aṛṛenggen-Ne wuṛṛu nanagu si Petrus, “Roote wua isindi, Wawono'a! Ṛingiṛṛannu udde ṛingiṛṛannu taumata; wal᷊ine ṛingiṛṛannu Ruata!”

MARKUS 8:33 Referans Kwoze

MATIUS 4:10

Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

1 YOHANES 2:15

Ariete mandangngu runia indi, ara'e al᷊awo'u sarannapa apan sulal᷊ummu runia indi. Amungkangngu i yamiu mandangngu runia, i yamiu tawe mandangngu Iamangnga.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

DARALO 141:5

Amungkangu pia sangkatou taumata mapia mamo'a si ya'u, wuṛṛu ringannu naungnga mawawo mangaṛa'a si ya'u, udde naal᷊ihidda lana apan apianne si ya'u. Antimanna i ya'u tawe manola'a, ana waugu i ya'u sidutu u'al᷊iomanna mannal᷊are al᷊al᷊eon mangitou.

1 PETRUS 4:1

Ana waugu Kristus suete natataṛṛanga su ola'u wadanga, i yamiu lai ṛinone mannohassa ririnu ringannu apulu naugnga ereudde. Ana waugu taumata apan uatataṛṛanga su ola'u wadanga, tate lai ma'ola'a rosa.

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

1 KORINTUS 5:5

i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

LUKAS 22:61

Mawu Yesus nanaile wuṛṛu na'ellega si Petrus. See i Petrus naanaungke Mawu Yesus suete nabbisara si tou, “Tantal᷊anna manu'a taambe inumu'u allo indi, i'o paatallute massina'a-U.”

MARKUS 3:34

Wua'udde i Tou nanaile manga taumata apan ua'ianna uapal᷊iwutta si Tou see nabbisara, “Ete indi inang-Ku wuṛṛu manga tuṛṛang-Ku!

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

MATIUS 15:23

Mawu Yesus tawe sinumimbakka wawine udde saran addio'a. See mallal᷊aṛṛenggennu Mawu Yesus nirumanta ringanni Tou wuṛṛu sussal᷊ande, “Iamangnga roloṛṛa'e wawine udde mangingkatta. I tou tumba'u maggio su liuddi ite!”

2 SAMUEL 19:22

Arawe i Daud nabbisara si Abisai wuṛṛu si Yoab iaangnge, “Ariete pallo'a su hatto indi. Anio i yamiu mapasusa'u? Su allo indi ya'u naola'e ratu apia su Israel, wuṛṛu tate wotongnge pia taumatan Israel apan iṛṛuumanna pateanna.”

IMAMATTA 19:17

Imbaṛṛangnga mangune su saruanni sai-sai. Insuete pabbawawul᷊onu ringannu al᷊awo'u taumata, tadea'u i yamiu tawe marosa ana waugu taumata waine.

TITUS 1:13

Apa apan suete niwisara nabi udde mangke atonna. Ana waugu udde ṛinone i'o managu si mangitou ringannu maṛṛagissa; tadea'u i mangitou siddutu uaagassa al᷊aṛṛa'a su ṛinone,

LUKAS 9:55

Mawu Yesus nanaile, see namul᷊o si mangitou.

LUKAS 4:8

Mawu Yesus sinumimbakka, “Sulal᷊ummu Wuke Susi uawoṛṛetta, ‘Passubbate Mawu Ruatanu wuṛṛu tumba'u pangimbe si Tou sassane.’ ”

AYUB 2:10

Sasimbakki Ayub, “I'o mabbisara naal᷊ihidda taumata longonna! Ṛatadde i ite tumba'u mappulu manengkamma apa apan apianne wuassu Ruata, wuṛṛu al᷊eoanne i ite maddiri?” Nariaddi, salaiwe i Ayub uapasanna anambon asasilaka udde, i tou tawe mapasabbangngu wisara apan lullawangnga Ruata.

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”