MARKUS 8:31 - WUKE SUSI WATTI'U AL᷊AL᷊USASSA

³¹ Wua'udde, Mawu Yesus nanattakke mangngaṛṛa'a mallal᷊aṛṛenggen-Ne manungku Ana'u Taumata sarun matataṛṛangngu anambon asasusa, wuṛṛu ipaseettu manga tembonanne, manga imam tembonanne wuṛṛu manga hurun agama. I Tou sarun pateanna, arawe su allo atallune i Tou sarun mabangunna apia.

MARKUS 8:31 Referans Kwoze

WATTI'U MANGA RASUL 7:35

I Musa indi Musa apan tawe nia'um balagu Israel wuṛṛu nito'e ringannu wisara indi, ‘Isai suete namile si'o maola'a piaṛṛa'a wuṛṛu mallaṛṛuungngi yami?’ Arawe ete i tou taumata apan nirolokku Ruata maola'a piaṛṛangnge wuṛṛu mananal᷊amatta, ringannu sasumbala mala'ekatta apan nirumanta ringanni tou su anggaṛṛumunanne apan lukkenggamma udde.

YOHANES 2:19

Mawu Yesus sinumimbakka, “Hohaṛṛa'a Wal᷊e indi, wuṛṛu sulal᷊ummu tallu allo i Ya'u sarun mapararisikka apia.”

LUKAS 24:26

Wal᷊inewe Ratum Punnu Sal᷊amatta udde sarun mamendamma asasusa rorone, wua'udde na'omate su awawantug-Ge?”

LUKAS 17:25

Arawe paarorone i Tou ṛinone matataṛṛangnga anambon asasusa wuṛṛu ipa'adirin taumata orassa indi.

MARKUS 12:10

I yamiu asinungka suete naawasa addoanne sulal᷊ummu Wuke Susi, ‘Watu apan tawe ipaattu manga maaola'a wal᷊e naola'e watu apan paarorone.

MATIUS 21:42

Ne Mawu Yesus nabbisarate si mangitou, “I yamiu taambe naawasa apa apan uawoṛṛetta sulal᷊ummu Wuke Susi? ‘Watu apan tawe ipaattu maaola'a wal᷊e naola'e watu apan paarorone. Ete indi inolaannu Mawu; tumanite maṛṛamaga atonna!’ ”

MATIUS 12:40

I Yunus uatana'a tallu allo tallu ṛabbi sulal᷊ummu tiannu inassa masallaka. Aroddi lai Ana'u Taumata sarun matana'a tallu allo tallu ṛabbi sulal᷊ummu tiannu runia.

HOSEA 6:2

Sulal᷊ummu darua ara'e tatallu su allone indi i tou sarun mapaapian kite, wuṛṛu i ite sarun mabbiakka sulal᷊ummu tilla'uppu Mawu.

1 KORINTUS 15:4

manungku i Tou nilabingnga, arawe wua'udde nabbiakka apia su allo atallune. Udde lai uawoṛṛetta sulal᷊ummu Wuke Susi.

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YUNUS 1:17

Tantal᷊anna udde Mawu napaarantan sambau inassa apan masallakka apan mangalluppa si Yunus. Ne Yunus natana'e sulal᷊ummu tiannu inassa udde tallu allo tallu ṛabbi al᷊annune.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

DARALO 118:22

Watu apan niramme manga maaola'a wal᷊en, naola'e watu sasarianne.

1 SAMUEL 10:19

I Ya'u buatte namallossi yamiu wuassu anambon asansara wuṛṛu asasusa, arawe orassa indi Ya'u, Ruatanu nitol᷊a'i yamiu, ana waugu i yamiu maddorongnga tadea'u i Ya'u mangonggollu sangkatou ratu si yamiu. Ne aroddite, paammulle su saruang-Ku, Mawunu, tumuṛṛuttu walahanna wuṛṛu ṛuangannu.’ ”

1 SAMUEL 8:7

wuṛṛu Mawu nabbisara, “Utungete anambon darorongngu walahannu udde si'o. Ana waugu wal᷊ine i'o apan ipaaddiri mangitou, ewe'e i Ya'u. I mangitou maddirite i Ya'u maola'a ratun mangitou.

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

MATIUS 27:63

wuṛṛu nabbisara, “Mawu, i yami maanaungnga su tempo taṛṛa awusu udde ta'e wiakka, i Tou suete nabbisara, ‘Napawe tallute allo i Ya'u sarun mabangunna apia.’