MARKUS 8:2 - WUKE SUSI WATTI'U AL᷊AL᷊USASSA

² “I Ya'u u'akkannu taumata nambo indi. Tallute allo al᷊annune i mangitou su sampunna ringang-Ku, wuṛṛu orassa indi i mangitou tawe anna.

MARKUS 8:2 Referans Kwoze

MATIUS 9:36

Su tempo Mawu Yesus naasilo taumata nambo udde, i Tou inumakkanni mangitou, ana waugu i mangitou tinumiangnga wuṛṛu lome, ere domba apan tawe mallal᷊u'adde.

MIKHA 7:19

I'o sarun umakkanni yami apia wuṛṛu mangampungnga si yami. Manga rosan kami sarun ṛussaan-Nu wuṛṛu iwareta-Nu su wantan tahal᷊oangnga!

DARALO 145:15

Anambon riaddianna wiakka uaantimma Si'o; I'o mangonggolu anna si mangitou sutempone.

DARALO 103:13

Ere sangkatou iamangnga mandangngu manga anangnge, aroddi lai Mawu mandangngu taumata ma'imanna.

IBRANI 5:2

Imam Bahewa udde sassane lome su al᷊awo'u inolaanna wuṛṛu ana waugu udde i tou wotongnge mattingkaola'a masaṛṛionto'a su saruannu taumata apan waggan apa-apa wuṛṛu apan niumal᷊iwun dal᷊anne.

IBRANI 4:15

Imam Bahewalli ite udde wal᷊inewe imam apan tawe maapendama manga al᷊allomeng kite. Arawe i Tou suete niwono'anna sulal᷊ummu al᷊awo'u inolaanna, ere i ite lai sassane; tumba'u i Tou tawe na'ola'a rosa!

LUKAS 15:20

Ne i tou inaite napul᷊e ringannu iamangnge. Ta'e marau wuassu wal᷊e, i tou niasiloanten iamangnge. Ringannu aakkanna iamangnge tinumal᷊angnga naisasomban tou, see naṛṛa'uppa wuṛṛu nangari'a si tou.

LUKAS 7:13

Napawe Mawu Yesus naasilo wawine wal᷊u udde, i Tou inumakkannu wawine udde see nabbisara, “Arie palluai Inangnga!”

MARKUS 9:22

“Masokkate ghaṛṛaho lal᷊eo udde mappandumma mamate si tou ringannu mangema'a su putungnga ara'e sulal᷊ummu ua'e. Arawe amungkangngu Iamangnga wotongnge mantul᷊ungnga, doronganna Iamangnga umakkanni i yami wuṛṛu mantul᷊ungngi i yami!”

MARKUS 6:34

Su tempo Mawu Yesus sinumossokka wuassu saalanna, i Tou naasilo taumata manambo. I Tou inumakkanni mangitou, ana waugu i mangitou naal᷊ihidda domba apan tawe mallal᷊u'adde. Ne i Tou nanattakke mangngaṛṛa'u al᷊awo'u al᷊aṛṛa'a si mangitou.

MARKUS 5:19

Arawe Mawu Yesus maddiri, wisara-Ne, “Apul᷊ete wuṛṛu wal᷊oa'e su manga tuṛṛangngu apa apan suete niola'u Mawu si'o wuṛṛu aroddi apiane i Tou si'o!”

MARKUS 1:41

Mawu Yesus inumakkannu taumata udde. Nariaddi i Tou namita taumata udde lapiddu wisara-Ne, “I Ya'u maapulu, apiate!”

MATIUS 20:34

Mawu Yesus inumakkanni tarua, see namita matan tarua. Orassa udde lai itarua naasilote. See itarua tinumantalongke Mawu Yesus.

MATIUS 14:14

Su tempo Mawu Yesus nilumintukka wuassu saalanna wuṛṛu naasilote taumata manambo udde, i Tou inumakkanni mangitou. See i Tou napaapian manga taumata maradda'a su wallatti mangitou.

DARALO 145:8

Mawu udde marangngu wuṛṛu maakkanna, mal᷊annu masa'u wuṛṛu sidutu marangngu.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

MARKUS 6:32

Ne i mangitou inaite ringannu sinuma'e saalanna nabatukku tampa apan mal᷊annaba udde.

MARKUS 8:3

Amungkangngu i Ya'u mandolokki mangitou iapaapul᷊e mal᷊unussa, i mangitou sarun mawantingnga su tangngan dal᷊anna. Apa lai su wallatti mangitou piaddu nirumanta wuassu tampa marau.”

1 MARARATU 19:6

I Elia na'ellega su pal᷊iwunne, ana see niasiloanna maranin puane sampoto roti wua nitambunna wuṛṛu wensadda lal᷊oṛṛoannu ua'e. Ne i tou inumante wuṛṛu na'inumma, see nilumallowangnga apia.