MARKUS 8:17 - WUKE SUSI WATTI'U AL᷊AL᷊USASSA

¹⁷ Mawu Yesus masingkattu apa ipagahato mangitou. Ana waugu udde i Tou naiwal᷊o si mangitou. “Anio yamiu uahahatto su ola'u tawe roti? Apa i yamiu ta'e wagga wuṛṛu taambe naasunna lai? Aroddi al᷊umune ṛingiṛṛannu?

MARKUS 8:17 Referans Kwoze

MARKUS 6:52

Al᷊aṛṛindu'a ringannu roti limam bau udde, taambe lai niasunnanni mangitou. Masahadda i mangitou massunna.

MARKUS 2:8

Su tempo udde lai Mawu Yesus naasingkatta ṛingiṛṛanni mangitou. See i Tou nabbisara, “Anio i yamiu ma'iwalo sulal᷊ummu naungngu?

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

YOHANES 16:30

wuṛṛu i yami masingkatta manungku Mawu masingkattu sarangkanambone. Ipa'ura lai taumata maiwal᷊o manga apa su Mawu. Ana waugu udde i yami mangngimanna Mawu nirumanta wua dingannu Ruata.”

LUKAS 24:25

See Mawu Yesus nabbisara si mangitou, “I yamiu woddo atonna! Tumanite mal᷊iwue i yamiu mangngimanna anambon apa apan suete niapasingkattu manga nabi!

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

MATIUS 15:17

I yamiu wagga, manungku apan sussutta sulal᷊ummu moṛṛongnga masutta lai su tianna wuṛṛu wua'udde masabangnga apia?

MATIUS 12:15

Mawu Yesus masingkatte manungku manga taumatan Farisi udde pia ṛingiṛṛanna lal᷊eo su ririn i Tou. Nariaddi Tou inaite wuassu tampa udde wuṛṛu manambo taumata uatantalongnga si Tou. See i Tou napaapia manga taumata apan maradda'a.

MATIUS 16:7

Naaringikka wisara Mawu Yesus aroddi, mallal᷊aṛṛenggen-Ne uahahattote sangkatou ringannu sangkatou, “I Tou nabbisara aroddi ana waugu i ite tawe nangapiddu roti.”

MARKUS 8:16

Ne manga mallal᷊aṛṛenggennu Mawu Yesus mannattakke uawawatti'u hatto udde. I mangitou nabbisara, “I Tou nabbisara aroddi, ana waugu i ite tawe nangapiddu roti.”