MARKUS 8:15 - WUKE SUSI WATTI'U AL᷊AL᷊USASSA

¹⁵ “Paatehamma su ragi manga taumatan Farisi wuṛṛu ragin Herodes,” unnu Mawu Yesus si mangitou.

MARKUS 8:15 Referans Kwoze

MATIUS 16:6

Mawu Yesus nabbisara si mangitou, “Paariaga su ragin taumatan Farisi wuṛṛu Saduki.”

MARKUS 12:13

Manga pira taumatan Farisi wuṛṛu manga pira taumatan Herodes nirolokka maddea'a mapaasal᷊a Mawu Yesus ringannu manga aiwal᷊o.

IMAMATTA 2:11

Sasamba ia'imbe su Mawu tawe wotongnge lo'annu pul᷊a ara'e ragi, ana waugu pul᷊a wuṛṛu ragi tawe wotongnge itambunna olaanna sasamba su Mawu.

AMSAL 19:27

Ana'u, amungkangngu i'o maddirite lai massi'ala, i'o sarun maabul᷊in apa apan buatte niurumannu.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

MATIUS 14:1

Su tempo udde i Herodes, ratum banua Galilea, naaringikka su ola'u Mawu Yesus.

2 TIMOTIUS 2:14

Ṛinone i'o mapaanaungnga su manga taumata su ola'u sarangkanambone indi. Su saruannu Ruata, tantiroi i mangitou, tadea'u tawe mattatiakka su ola'u manga wisara wakku. Udde tawe gunane, ewe'e tumba'u mangngal᷊iwu manga taumata apan maddaringikka.

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

MATIUS 14:3

Ana waugu dorone i Herodes nandolokka napasametti Yohanes wuṛṛu naṛṛapussa si tou see niapasutta sulal᷊ummu tuttupanna. I Herodes na'ola'a aroddi ana waugu i Herodias awingngi tuṛṛangngi tou sidutu, eteudde i Filipus.

MATIUS 14:6

Su tempo i Herodes na'ola'a ramean allo pananaunganna i tou niasungkangnga i Herodias pia Tanangnge wawine nassal᷊aingnga su saruannu awada'alla. Sal᷊aingnge ma'al᷊uassa naungngi Herodes,

MARKUS 8:14

Manga mallal᷊aṛṛenggennu Mawu Yesus naabul᷊i nangapiddu roti natimu. I mangitou tumba'u pia roti sambau su saalanna.

MARKUS 8:16

Ne manga mallal᷊aṛṛenggennu Mawu Yesus mannattakke uawawatti'u hatto udde. I mangitou nabbisara, “I Tou nabbisara aroddi, ana waugu i ite tawe nangapiddu roti.”