MARKUS 8:12 - WUKE SUSI WATTI'U AL᷊AL᷊USASSA

¹² Mawu Yesus nasa'u, see sinumimbakka, “Anio manga taumatan tempo indi madorongnga si Ya'u ma'ola'a al᷊aṛṛindu'a? Tawe! I Ya'u tawe mangagillu tanda ereudde si mangitou!”

MARKUS 8:12 Referans Kwoze

MARKUS 7:34

Wua'udde Mawu Yesus naningngara watukku langitta, see sinumangngo ma'ikkatta wuṛṛu nabbisara taumata udde, “Efata,” atappasanne, “Awu'ate!”

MATIUS 16:4

“Tumaniten dal᷊eo manga taumata tempo indi. I yamiu maddorongnga i Ya'u ma'ola'a al᷊aṛṛindu'a. I yamiu tawe onggol᷊anna saran sambau al᷊aṛṛindu'a, tumba'u al᷊aṛṛindu'i Nabi Yunus.” Napawe suete nabbisara aroddi, Mawu Yesus nanantangke mangitou, see napul᷊ete.

LUKAS 19:41

Su tempo Mawu Yesus maraniten Yerusalem, wuṛṛu naasilote soa udde, i Tou nilumuain Yerusalem.

MARKUS 9:19

Ne Mawu Yesus nabbisara si mangitou, “Tawe hampa i yamiu indi! I yamiu atonna-tonna taumata apan tawe mangngimanna. Ma'oman sara tempo suapa i Ya'u sarun matana'a su sampunna ringanni i yamiu wuṛṛu manabare su al᷊al᷊eong kamiu? Apira'e ana'a udde isindi!”

MARKUS 6:6

I Tou naherangnga i mangitou tawe mangngimanna. Wua'udde Mawu Yesus inaite su manga ampungnga maranine isudde, wuṛṛu mangngaṛṛa'a.

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

MATIUS 12:38

Wua'udde manga pira hurun agama wuṛṛu manga taumatan Farisi nabbisara, “Iamangnga Huru, i yami ma'apulu ma'ellega Iamangnga Huru ma'ola'a al᷊aṛṛindu'a.”

MARKUS 8:13

See Mawu Yesus nanantangke mangitou, wuṛṛu sinuma'ete saalanna; wua'udde inaite nassenggotta su samba'an dano udde.