MARKUS 7:7 - WUKE SUSI WATTI'U AL᷊AL᷊USASSA

⁷ Tawe gunane i mangitou massubba si Ya'u, ana waugu i mangitou mangngaṛṛa'u atorannu taumata paṛṛimau napa udde ere atorang-Ku!’

MARKUS 7:7 Referans Kwoze

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

MATIUS 15:9

Tawe gunane i mangitou massubba si Ya'u, ana waugu atorannu taumata, ia'aṛṛa'i mangitou, ere lai atorang-Ku.’ ”

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

KOLOSE 2:22

Anambon atoranna udde eteudde al᷊awo'u inolaanna apan amungkangngu ipaatta, maola'a tate gunane lai. Udde tumba'u manga atoranna wuṛṛu al᷊aṛṛa'a apan niola'u taumata.

MATIUS 6:7

Amungkangngu i yamiu umal᷊iomanna, arie mal᷊o'e-l᷊o'e ere su manga taumata apan tawe ma'aillal᷊a Mawu. I mangitou massunna manungku darorongngi mangitou sarun daringiṛṛanna ana waugu aal᷊iomanni mangitou mal᷊o'e aroddi.

TITUS 3:9

Pangindaute manga pattatiakka apan tawe gunane, manga watti'u al᷊amona, pattatiakka wuṛṛu pabbawawul᷊o su ola'u titan agama. Sarangkanambone udde tawe gunane wuṛṛu tawe gessine.

SONDAPPA 22:18

Su al᷊awo'u taumata apan naaringikka manga wisara papatta sulal᷊ummu wuke indi, ya'u, Yohanes, mangonggolu pananaunganna indi: amungkangu pia taumata manamba manga wisara su papatta indi, ne Ruata sarun manamba lai ṛuumannu taumata udde ringannu manga asasusa apan niwoṛṛeta sulal᷊ummu wuke indi.

1 SAMUEL 12:21

Imbaṛṛangnga tumantalongnga manga monganna apan tawe maatul᷊ungnga wuṛṛu maasal᷊amatta si yamiu, ana waugu i mangitou udde tawe baddi'a.

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

MALEAKHI 3:14

I yamiu mabbisara, ‘Tawe gunane i ya'u mattaṛṛamawu Ruata. Apa hunane mappaamattu manaran kite su Mawu Apan Lembontaṛṛino, ara'e mamasilo si tou manungku i ite sinumassillu pasasal᷊an kite?

1 KORINTUS 15:14

Wuṛṛu amungkangngu Kristus tawe niapaawiakka apia wuassu papate, ne tawe gunane i yami mabbatti'u manga apa apan tawe gunane lai su pangangimanni yamiu, ana waugu pangangimanni yamiu udde tawe pinangiananne apa-apa.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.