MARKUS 7:20 - WUKE SUSI WATTI'U AL᷊AL᷊USASSA

²⁰ See Mawu Yesus nabbisara apia, “Apan sinumabangnga wuassu taumata, eteudde maarosa si tou.

MARKUS 7:20 Referans Kwoze

YAKOBUS 3:6

Lila nassul᷊ungu putungnga. Su wadangi ite, i tou naola'a punnu al᷊al᷊eo apan mannal᷊iawukku al᷊al᷊eo su ahewallu wadangi ite. Ringannu putungnga apan darantane wuassu naraka, i tou nanutungnga ahewallu wiakki ite.

YAKOBUS 4:1

Wuassuapa darantane al᷊awo'u pabbawawul᷊o wuṛṛu pattatiakka su wallatti yamiu? Wal᷊inewe udde nirumanta wuassu manga apulunu apan siddutu uawawul᷊o sulal᷊ummu ririnu ana see maasomba al᷊al᷊uassu runia!

MARKUS 7:15

Tawe saran sambau wuassu liudde apan sumutta sulal᷊ummu taumata wotongnge maarosa si tou. Arawe, apan sinumabangnga wuassu sangkatou eteudde ma'arosa si tou. [

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

DARALO 41:6

See'u ma'umbilangu al᷊al᷊eo'u, i mangitou mappandumma tadea'u i ya'u mate wuṛṛu timbul᷊iananna.

IBRANI 7:6

I Melkisedek wal᷊inewe papapulunni Lewi, arawe i tou nanengkamma lai sambau wuassu mapul᷊o asombangi Abraham, wuṛṛu nangal᷊amatta lai si Abraham apan suete lai nanengkamma manga pa'airen Ruata.

MATIUS 4:4

Mawu Yesus sinumimbakka, “Sulal᷊ummu Wuke Susi uawoṛṛetta: Taumata tawe tumba'u mabiakku roti sassane, arawe lai ringannu al᷊awo'u wisara apan niapasingkattu Ruata.”

MATIUS 15:18

Arawe apan sinumabangnga wuassu moṛṛongnga, udde wuassu naungnga; wuṛṛu eteudde apan ma'alal᷊eo taumata.

MARKUS 7:21

Ana waugu wuassu lal᷊umme eteudde wuassu lal᷊ummu naungnga, sumabangnga ṛingiṛṛanna lal᷊eo apan panginsueanne taumata ma'ola'a al᷊al᷊eo, manna'ote, mammate,

MARKUS 7:23

Anambon al᷊al᷊eo udde sinumabangnga wuassu lal᷊umme, wuṛṛu eteudde ma'aola'a taumata marosa.”