MARKUS 7:2 - WUKE SUSI WATTI'U AL᷊AL᷊USASSA

² I mangitou naasilo sire pira mallal᷊aṛṛenggennu Mawu Yesus u'anna ringannu lima tawe niukkassa tumuṛṛuttu atorannu agama, eteudde tawe nangukkassa lima rorone tumuṛṛuttu atorannu agama.

MARKUS 7:2 Referans Kwoze

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

WATTI'U MANGA RASUL 11:8

Arawe i ya'u sinumimbakka, ‘tawe, Mawu! Taambe saran paassa i ya'u inumanna anna apan ipappalli wuṛṛu ia'arantinna.’

MATIUS 15:2

“Anio manga mallal᷊aṛṛenggennu nilumawangnga addatta inanaramannu iupungngu al᷊amonang kite? Su tempo umanna, i mangitou tawe mangukkassa lima rorone ere su atoranna!”

MARKUS 7:5

Ana waugu udde manga taumatan Farisi wuṛṛu manga hurun agama naiwal᷊o Mawu Yesus, “Anio mallal᷊aṛṛenggen-Nu udde u'anna tawe mangukkassa lima? Anio i mangitou tawe tumuṛṛutta addatta inanaramannu iupungngu al᷊amonang kite?”

LUKAS 11:38

Taumatan Farisi udde naherangnga naasilo Mawu Yesus inumanna tawe nangukkassa lima rorone, tumuṛṛuttu atorannu agama.

IBRANI 10:29

Aroddi awakkane ṛuumanna apan ionggola su taumata apan maṛṛinda Ana'u Ruata. Taumata udde mangngadio'a ṛaṛṛam pa'airen Ruata, eteudde papaten Kristus apan namaresi si tou wuassu rosa. I Tou mangngadio'a Ghaṛṛaho apan mangngonggolu al᷊amatta.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.