MARKUS 6:41 - WUKE SUSI WATTI'U AL᷊AL᷊USASSA

⁴¹ Wua'udde Mawu Yesus nanganute limam bau roti wuṛṛu inassa ruam bua, see naningngara langitta wuṛṛu na'adiangkamanna su Ruata. Wua'udde, i Tou namesangke roti udde ringannu lima-Ne wuṛṛu nianggille su mallal᷊aṛṛenggen-Ne iapatahia su taumata nambo udde, wuṛṛu inassa lai ruam bua nitahia si mangitou nambo udde.

MARKUS 6:41 Referans Kwoze

MATIUS 14:19

Wua'udde i Tou nandolokku taumata nambo udde niapaa'ianna su leta'a. See i Tou nanganute limam bau roti wuṛṛu inassa ruam bua udde, see i Tou naningngarate langitta wuṛṛu naadiangkamanna su Ruata. Wua'udde i Tou nattahiate roti udde, ringannu lima-Ne wuṛṛu nianggila su mallal᷊aṛṛenggen-Ne niapatahia su taumata nambo udde.

MARKUS 7:34

Wua'udde Mawu Yesus naningngara watukku langitta, see sinumangngo ma'ikkatta wuṛṛu nabbisara taumata udde, “Efata,” atappasanne, “Awu'ate!”

LUKAS 24:30

Su tempo inuma'ianna su sambau ringanni mangitou umanna, Mawu Yesus nangawakka roti, na'adiangkamanna su Ruata, namesangnga roti ringannu lima-Ne, see nionggolle si mangitou.

LUKAS 9:16

See Mawu Yesus nanganute limam bau roti wuṛṛu inassa ruam bua, wua'udde naningngara langitta wuṛṛu naadiangkamanna su Ruata. Wua'udde i Tou namesangnga roti wuṛṛu inassa udde ringannu lima-Ne see nianggille su mallal᷊aṛṛenggen-Ne niapatahia su taumata nambo udde.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

YOHANES 17:1

Wua nabbisara aroddi, Mawu Yesus naningngara langitta wuṛṛu nabbisara, “Iamangnga, orassa indi nia'omante tempone. Wantuhete Anangngu, tadea'u Anangngu lai mamantuga Iamangnga.

YOHANES 11:41

Ne i mangitou nangiruten batu udde. See Mawu Yesus naningngara watukku langitta wuṛṛu nabbisara, “Aadiangkamanna, Iamangnga, ana waugu I'o suete naddaringikka si Ya'u.

MARKUS 14:22

Tantal᷊anna i mangitou u'anna, Mawu Yesus nanganu roti inumal᷊iomante aal᷊iomannu aadiangkamanna su Ruata. Wua'udde i Tou nattahiate roti ringannu lima-Ne, wuṛṛu niaggile su mallal᷊aṛṛenggen-Ne ringannu wisara-Ne, “Sengkampe wuṛṛu ante, indi wadang-Ku.”

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

ROMA 14:6

Taumata apan tumba'u mappaattu manga allo apianne, taumata udde ma'ola'a aroddi ana waugu ipangaddata Mawu. Taumata apan u'anna al᷊awo'u anna, ma'ola'a aroddi ana waugu ipangaddata Mawu, ana waugu i tou maadiangkamanna Ruata ana waugu pabbawiakka udde. Aroddi lai taumata apan tumba'u u'anna anna suete nipilene, taumata udde lai mangadatta Mawu wuṛṛu u'al᷊iomanna su Ruata.

YOHANES 6:23

Wua'udde manga pira ngassa saalanna wuassu Tiberias nirumanta wuṛṛu nabbal᷊ango maranin tampan taumata nambo udde u'anna roti napawe Mawu Yesus suete na'adiangkamanna.

YOHANES 6:11

Wua'udde Mawu Yesus nanganu roti udde, see ma'adiangkamanna su Ruata. Nasue udde i Tou natahiate roti udde su taumata nambo. Wua'udde i Tou nattahia inassa, wuṛṛu i mangitou inumanna mangke nawusa-wusa.

MATIUS 26:26

Su tempo i mangitou u'anna, Mawu Yesus nanganute roti, see inumal᷊iomanna na'adiangkamanna. Wua'udde i Tou nattahiate roti ringannu lima-Ne nionggole su mallal᷊aṛṛenggen-Ne ringannu wisara-Ne, “Sengkampe, wuṛṛu ante; indi wadang-Ku.”

MATIUS 15:36

See i Tou nanganute roti pitum bau wuṛṛu inassa, wua'udde na'adiangkamanna su Ruata. Wua'udde i Tou nattahiate roti wuṛṛu inassa udde ringannu lima-Ne sassane, see nionggola su mallal᷊aṛṛenggen-Ne. Wuṛṛu i mangitou nattahiate su taumata manambo udde.

TAHIUL᷊E 8:10

I yamiu sarun umanna walate apulun naungngu, wuṛṛu ma'adiangkamanna su Mawu Ruatanu ana waugu leta'a masuwukka apan nionggolu Mawu si yamiu.”

WATTI'U MANGA RASUL 27:35

Wua'nabbisara aroddi i Paulus nanganu roti see naadiangkamanna su Ruata su saruanni mangitou sarangkanambone. Wua'udde i tou nattahia roti udde see niumante.

MARKUS 6:40

Ne manga taumata udde inuma'iante ringannu uaatokka su manga wageangnge. Pia maṛṛasutta su atoune sangkawageanganna wuṛṛu pia lai limam pul᷊o su atoune sulal᷊ummu sangkawageanganna.

MARKUS 6:42

I mangitou inumanna na'oman sara nal᷊aidda.

MARKUS 8:19

limam bau roti apan nitahia-U su lima ṛiwu su atoune? Pirang kul᷊a'a lamben anna niammulli yamiu?” “Mapul᷊o dua,” sasimbakki mangitou.