MARKUS 6:36 - WUKE SUSI WATTI'U AL᷊AL᷊USASSA

³⁶ Mappianne Iamangnga mandolokku manga taumata indi mapul᷊e tadea'u i mangitou wotongnge mamalli anna su manga soa wuṛṛu ampungnga maranine isindi.”

MARKUS 6:36 Referans Kwoze

MATIUS 15:23

Mawu Yesus tawe sinumimbakka wawine udde saran addio'a. See mallal᷊aṛṛenggennu Mawu Yesus nirumanta ringanni Tou wuṛṛu sussal᷊ande, “Iamangnga roloṛṛa'e wawine udde mangingkatta. I tou tumba'u maggio su liuddi ite!”

MARKUS 5:31

Manga mallal᷊aṛṛenggen-Ne nabbisara, “Iamangnga pa'ellega sassane aroddi anambone taumata apan uasasuṛṛuda. Wuṛṛu Iamangnga ta'e ma'iwal᷊o, isai nangindingnga Iamangnga?”

MARKUS 3:21

Manga taumata udde nabbisara, “I Tou nabewate!” Wuṛṛu napawe manga tuṛṛang-Nge naaringikka olangnge udde, i mangitou nirumanta nangal᷊appa si Tou.

MATIUS 16:22

See i Petrus nangahete Mawu Yesus watukku sandiṛṛanne wuṛṛu namo'a si Tou, wisarane, “Antimanna Ruata mapaaraun olangnge udde, Mawu! Ariewe olangnge udde mariaddi su Mawu!”

MARKUS 6:35

Napawe wawallote, mallal᷊aṛṛenggennu Mawu Yesus naiwal᷊o si Tou, “Maranite maṛṛabi wuṛṛu tampa indi marau wuassu soa.

MARKUS 6:37

Arawe Mawu Yesus sinumimbakka, “I yamiute sassane papaanni mangitou.” “Uare, apa i yami inai mamalli roti aregane rua ṛasutta roitta sal᷊a'a ana see mapaannu manga taumata indi?” aroddi unnu manga mallal᷊aṛṛenggennu Mawu Yesus.