MARKUS 6:3 - WUKE SUSI WATTI'U AL᷊AL᷊USASSA

³ Wal᷊inewe i Tou indi ana'u waseng kalu, ana'i Maria, wuṛṛu tuṛṛangngi Yakobus, i Yoses, i Yudas wuṛṛu i Simon? Ore, manga tuṛṛang-Nge wawine lai udde uatana'a isindi.” Ana waugu udde i mangitou nanol᷊ai Tou.

MARKUS 6:3 Referans Kwoze

MATIUS 12:46

Tantal᷊anna Mawu Yesus ta'e uahahatto ringannu taumata nambo udde, nirumantate inangnga wuṛṛu manga tuṛṛang-Nge. I mangitou uarisikka su liudde lapiddu madea'a ana see wotongnge maahahatton Tou.

YOHANES 6:42

I mangitou nabbisara, “Wal᷊inewe indi Yesus ana'i Yusuf? I yami masingkattu inangnga iamangnge! Ereapa i Tou wotongnge mabbisara i Tou niumonto'a wuassu surga?”

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

GALATIA 1:19

I ya'u tawe nassomba manga rasulle waine, tabbene'e Yakobus, tuṛṛangngu Mawu.

MATIUS 11:6

Lal᷊umanna'a su taumata tawe pinangiananne su ipanol᷊a'u!”

WATTI'U MANGA RASUL 1:13

Su Yerusalem i mangitou inaite watukku wal᷊e su tampa i mangitou mattindaho, see nirumanganna su wabbo'a ṛengkenne al᷊iurosone. Manga rasul eteudde i Petrus wuṛṛu i Yohanes, i Yakobus wuṛṛu i Andreas, i Filipus wuṛṛu i Tomas, i Bartolomeus wuṛṛu i Matius, i Yakobus ana'i Alfeus, i Simon Patriot wuṛṛu i Yudas ana'i Yakobus;

MARKUS 15:40

Isudde lai pia manga pira wawine tantal᷊anna ua'ellega sarangkanambone udde wuassu tampa marau. Su wallatti mangitou pia i Salome, i Maria Magdalena, wuṛṛu i Maria inangngi Yakobus apan maddario'anna wuṛṛu i Yoses.

1 KORINTUS 1:23

Arawe i ite tumba'u mabbatti'i Kristus apan nate niarussa. Watti'a udde lai mammasendeka naungngu taumatan Yahudi, wuṛṛu sassunannu manga taumata wal᷊ine Yahudi udde awusu. Wuṛṛu taumata apan wal᷊ine Yahudi massunna udde sambau awawoddo.

YOHANES 14:22

I Yudas (wal᷊ine i Yudas Iskariot) naiwal᷊o Mawu Yesus, “Mawu, anio Mawu mapaal᷊iatta'u riri-Nu si yami wuṛṛu tawe su runia?”

LUKAS 7:23

Lal᷊umanna'a su taumata apan tawe pinangiananne ipanol᷊a-U.”

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

1 PETRUS 2:4

Ana waugu udde, rantate ringannu Mawu. I Tou naal᷊ihida watu apan wiakka, watu apan nirammen taumata ana waugu sansunnanna tawe gunane; arawe nipilen Duata maola'a watu apan maarega.

1 KORINTUS 9:4

Apa i ya'u tawe wotongnge manengkamma anna wuṛṛu ua'e ana waugu manara'u?

MARKUS 3:18

i Andreas, i Filipus, i Bartolomeus, i Matius, i Tomas, i Yakobus ana'i Alfeus, i Tadeus, i Simon Patriot,

WATTI'U MANGA RASUL 12:17

I Petrus namasingkatta ringannu limane tadea'u i mangitou mallannaba, wua'udde i tou nabbati'e ereapa Mawu suete nangapiddi tou sinumabangnga wuassu tuttupanna. See i tou nabbisara, “Wal᷊oa'a hatto indi si Yakobus wuṛṛu su manga tuṛṛangnga waine lai.” Wua'udde i Petrus nanantangken tampa udde wuṛṛu inaite su tampa waine.

LUKAS 8:20

Ne pia sangkatou apan nabbisara su Mawu Yesus, “Iamangnga, inangnga wuṛṛu manga tuṛṛangngi Iamangnga wowa su liudde. I mangitou maapulu maisasombam Iamangnga.”