MARKUS 6:12 - WUKE SUSI WATTI'U AL᷊AL᷊USASSA

¹² Ne sire mapul᷊o dua mallal᷊aṛṛenggennu Mawu Yesus udde inaite. I mangitou inaite namasingkattu watti'a manungku taumata ṛinone mawal᷊u wuassu paddarosane.

MARKUS 6:12 Referans Kwoze

MATIUS 4:17

Nanattakke su tempo udde Mawu Yesus namasingkatta, “Awal᷊ute wuassu manga paddarosanu, ana waugu Ruata mal᷊ihakke rumanta mamarenta ere sangkatou Ratu!”

WATTI'U MANGA RASUL 20:21

Mapia udde su manga taumatan Yahudi aroddi lai su manga walahanna waine i ya'u sidutu mannanata tadea'u i mangitou mawal᷊u wuassu manga rosa mangitou wuṛṛu rumanta ringannu Ruata, see lai mangngimanna Mawu Yesus.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

LUKAS 13:3

Atonna-tonna tawe! Arawe paanaunge: amungkangngu i yamiu tawe mawal᷊u wuassu manga rosang kamiu, sarangkanambone sarun mate lai ere i mangitou.

LUKAS 11:32

Su Allong Kiamatta, tumana'u soa Niniwe sarun mabangunna su sambau ringannu taumatan tempo indi, wuṛṛu mangansilla si mangitou, ana waugu taumata Niniwe udde nawal᷊u wuassu manga rosane napawe Yunus nannase si mangitou. Arawe isindi orassa indi pia magewal᷊anna wuassi Nabi Yunus!”

MATIUS 3:8

Pasiloa'e ringannu pallal᷊agunu, manungku i yamiu nawal᷊ute wuassu manga rosanu.

MATIUS 3:2

“Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

YEHEZKIEL 18:30

Mawu Apan Atanggaṛṛanne nabbisara, “Ei manga taumatan Israel, i Ya'u sarun makkuungngu suapan taumata uasul᷊ungngu inolaanne. Awal᷊ute wuassu manga rosanu. Arie pabbala'a rosanu makkimunsa'a watangannu.

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

LUKAS 15:10

Aroddi lai mala'ekattu Ruata lulluassa napawe pia sangkatou taumata lal᷊eo nawal᷊u wuassu manga rosane. Pangimante!”

LUKAS 15:7

Ne, aroddi lai su surga pia al᷊al᷊uassa apan bahewalla su sangkatou apan marosa nawal᷊u wuassu rosane, wuassu siom pul᷊o sio taumata apan mapiate wuṛṛu tate lai iwata'a mawal᷊u wuassu rosane.”

LUKAS 13:5

Atonna-tonna tawe! Paassa lai ya'u mabal᷊o: Amungkangngu i yamiu tawe mawal᷊u wuassu manga rosang kamiu, i yamiu sarangkanambone mate lai ere i mangitou.”

MARKUS 1:15

Wisara-Ne, “Tempone nia'omante Ruata mamarenta. Awal᷊ute wuassu manga rosanu, wuṛṛu pangimante Watti'u Al᷊al᷊uassa wuassu Ruata!”

MATIUS 11:20

See Mawu Yesus nanattakke mapaasal᷊a manga soa, suapa isudde i Tou asokkanne ma'ola'a al᷊aṛṛindu'a. Ana waugu manga taumata su soa udde madiri mawal᷊u wuassu paddarosa mangitou.

MATIUS 9:13

Ṛingiṛṛa'o apa atappasannu wageangngu Wuke Susi indi: ‘I Ya'u mappandumma darangngu, wal᷊ine sasamba wuassu winatangnga’. Ana waugu i Ya'u nirumanta wal᷊ine mamaggo taumata apan massunna ririne mapiate, ewe'e taumata apan sassunanna maṛṛusal᷊a.”

LUKAS 9:6

Manga mallal᷊aṛṛenggennu Mawu Yesus nabuatte, see inaite su manga ampungnga mabatti'u Watti'u Al᷊al᷊uassa udde wuṛṛu napaapian taumata marada'a su al᷊awo'u tampa.

MARKUS 1:3

Pia taumata u'al᷊iata su wadda'a, ‘Saddiaite lal᷊annu Mawu rataṛṛa'e manga lal᷊anna apan amatan-Ne.’ ”

MATIUS 11:1

Napawe Mawu Yesus suete nanantiro sire mapul᷊o dua mallal᷊aṛṛenggen-Ne, i Tou nanantangken tampa udde. I Tou inaite nangaṛṛa'a wuṛṛu nabbatti'u tanatan Ruata su al᷊awo'u manga soa apan marani isudde.