MARKUS 6:11 - WUKE SUSI WATTI'U AL᷊AL᷊USASSA

¹¹ Arawe amungkangngu i yamiu ma'oma su sambau tampa, wuṛṛu manga taumata isudde maddiri manarimmatta wuṛṛu maddiri madaringikka si yamiu, tantanga'a tampa udde. Wuṛṛu tontonga'a awu wuassu leddanu maola'a sambau pananaunganna su saruanni mangitou!”

MARKUS 6:11 Referans Kwoze

WATTI'U MANGA RASUL 18:6

Arawe ana waugu manga taumata sidutu mannompolla wuṛṛu mangngal᷊uandaga si tou, ne i Paulus nangesogen awu wuassu laungnge, maola'a sambau pananaunganna si mangitou su pasasal᷊a mangitou. I tou nabbisara, “Amungkangngu i yamiu nasilaka, sal᷊anu sassane! I ya'u waggate! Manattakka orassa indi ya'u inaite ringannu manga taumata apan wal᷊ine Yahudi.”

NEHEMIA 5:13

Wua'udde i ya'u namu'a selempanga su tapanna'u ana see ta'u nialabba lapiddu nabbisara, “Etearendi rinone Ruata mamaṛṛassa anambon taumata apan tawe manuungngu paairene. Taumata udde sarun mabbal᷊i masusa, wal᷊en wuṛṛu anambon darotongnge sarun ul᷊eannu Ruata!” Anambon ammul᷊anna sinumibakka, “Amin!” ana see naddalote Mawu. Ne manga piaṛṛa'a udde nanuungngu paairen mangitou.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

1 YOHANES 4:17

Darangngu niola'a nasuungnga sulal᷊ummu watanganni ite, tadea'u i ite pia awawaṛṛani su Allo Pamamarikisanna. I ite sarun pia awawaṛṛani, ana waugu wiakki ite sulal᷊ummu runia indi ere lai wiakki Kristus.

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

ROMA 2:16

Ete aroddi sarun mariaddi su allo apan suete tinantunna udde. Su allo udde – tumuṛṛuttu Watti'u Al᷊al᷊uassa apan ta'u niwatti'a – Ruata sulal᷊ummi Yesus Kristus, sarun mamarikissa al᷊awo'u addapingngu naungnga wuṛṛu ṛingiddu anambon taumata.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

LUKAS 9:5

Wuṛṛu su tampa i yamiu tawe itarimmatta, su tempo i yamiu manantangngu soa udde, tontonga'a awu wuassu pal᷊adu leddanu, maola'a sambau pannanaunganna si mangitou.”

MATIUS 12:36

Nariaddi, paanaunge: su Allong Kiamatta, sangkatou-sangkatou ṛinone sumimbakka manga wisara apan tawe gunane apan suete niwisaran tou.

MARKUS 6:10

I Tou lai nabbisara, “Amungkangngu i yamiu sumutta su sambau wal᷊e, atana'e isudde ma'oman sara i yamiu manantangngu soa udde.