MARKUS 5:38 - WUKE SUSI WATTI'U AL᷊AL᷊USASSA

³⁸ Napawe i mangitou na'omate su wal᷊en Yairus, Mawu Yesus naasilo mangke uahahio, wuṛṛu naaringikka lal᷊uai wuṛṛu lal᷊allu apan ma'ikkatta.

MARKUS 5:38 Referans Kwoze

WATTI'U MANGA RASUL 9:39

I Petrus lapiddu dirumarisikka wuṛṛu tinumantalongnga si mangitou. Na'oma poiaroddi, i tou niapidda su wabbo'a ṛengkenne rosone. Anambon bawine wal᷊u isudde naṛṛimpulunna si Petrus lapiddu lulluai wuṛṛu manta'e si tou manga laubba wuṛṛu manga jubah apan nitabbi'i Dorkas si mangitou su tempo i tou ta'e wiakka.

MARKUS 5:22

Nirumantate sangkatou aranne i Yairus. I Tou sangkatou piaṛṛa'u wal᷊em pattataṛṛamawuanna su soa udde. Napawe i tou naasilo Mawu Yesus, i tou inumal᷊intuda su saruan-Ne,

MATIUS 11:17

‘I yami mangngantari aantarin lal᷊uassa si yamiu, arawe i yamiu madiri massal᷊aingnga. I yami mangngantari aantarin patatampungnga, wuṛṛu i yamiu madiri lumuai!’

MATIUS 9:18

Tantal᷊anna Mawu Yesus uahahatto ringannu manga mallal᷊aṛṛenggenni Yohanes Mananaṛṛani, nirumantate sangkatou piaṛṛa'u wal᷊em pattataṛṛamawuanna. I tou inumal᷊intuda su saruannu Mawu Yesus wuṛṛu nabbisara, “Ana'u wawine wakkute nate. Arawe amungkangngu wotongnge, ranta'o wuṛṛu pamita si tou tadea'u i tou mabiakka apia.”

MARKUS 5:39

See Mawu Yesus sinumutta wuṛṛu nabbisara si mangitou, “Anio yamiu uahahio wuṛṛu lulluai? Ana'a udde tawe nate; i tou tumba'u mattiilla!”