MARKUS 5:23 - WUKE SUSI WATTI'U AL᷊AL᷊USASSA

²³ wuṛṛu sinumal᷊ande, “Iamangnga, ana'u wawine'u marada'a masaddatta. Wotongnge Iamangnga rumanta mamita si tou, tadea'u i tou mapia wuṛṛu tawe mate!”

MARKUS 5:23 Referans Kwoze

LUKAS 13:13

See Mawu Yesus namita wawine udde, ne su orassa udde lai i tou naararisikka matul᷊ida see nadalote Ruata.

LUKAS 4:40

Napawe matannallo mattuppe, manambo taumata nangapiddu manga tuṛṛangngi mangitou apan uatataṛṛangnga al᷊awo'u hatin rada'a ringannu Mawu Yesus. Mawu Yesus namita si mangitou sangkatou-sangkatou wuṛṛu napaapia mangitou.

MARKUS 16:18

Amungkangngu i mangitou mangagassa atoanna ara'e ma'inumma pasangkada, i mangitou tawe masilaka. Amungkangngu i mangitou mangandangngu lima su manga taumata marada'a, manga taumata udde sarun mapia.”

WATTI'U MANGA RASUL 28:8

Tempo udde iamangnge marada'a, masunge wuṛṛu ma'uru. Paulus inaite na'ellega timmade marada'a udde, see inumal᷊iomanna wuṛṛu namita si tou na'oman sara i tou napia.

LUKAS 4:38

Mawu Yesus nanantangkem wal᷊em pattataṛṛamawuanna udde, see inaite su wal᷊en Simon. La'iananni Simon marada'a sal᷊ihamma, wuṛṛu manga taumata nabbati'u olangnge udde su Mawu Yesus.

MARKUS 8:23

Ne Mawu Yesus nangagassa liman taumata wuta udde wuṛṛu nangehetta si tou su liuddu soa. Wua'udde Mawu Yesus nangaddu matan taumata udde. I Tou nangadon limane su matan taumata udde, see naiwal᷊o si tou, “Wotongngete i'o maasilo sarannapa orassa indi?”

MARKUS 7:32

Isudde taumata nangapiddu sangkatou mou wuṛṛu wengella ringanni Tou. I mangitou madorongnga Mawu Yesus mangadon lima-Ne su taumata udde.

LUKAS 7:12

Su tempo Mawu Yesus na'omate marani ngara pasallungannu su soa udde, pia taumata manambo uapasanna asuangnga watukku liuddu soa. Taumata nate udde ana'a esakka man sambau wuassu sangkatou wawine wal᷊u. Manambo taumata lal᷊oṛṛon soa uaṛṛundingannu inangnge.

MARKUS 6:13

Manga mallal᷊aṛṛenggennu Mawu Yesus udde nallimbuakke manambo ghaṛṛaho lal᷊eo, wuṛṛu mammuṛṛan lanan zaitun su taumata marada'a wuṛṛu napaapia mangitou.

MATIUS 8:3

Mawu Yesus namita taumata udde lapiddu nabbisara, “I Ya'u ma'apulu. Apiate!” Orassa udde lai raddangnge nawul᷊i.

DARALO 107:19

Sulal᷊ummu asasusa i mangitou ma'ial᷊are su Mawu, wuṛṛu i Tou namallosi mangitou wuassu asasusa.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

2 MARARATU 5:11

Naaringikka udde i Naaman nasa'u wuṛṛu nabbisara, “Su ṛingi'uwe i tou sumabbanga sassane maisasomba'u, wuṛṛu umal᷊iomanna su Mawu, Ruatane, lapiddu mangagassa wageangngu wadangku apan maradda'a indi ana see i ya'u mapiate.

WATTI'U MANGA RASUL 9:17

Ne i Ananias inaite watukku wal᷊e udde wuṛṛu namitate si Saulus. “Tuṛṛangku Saulus,” unni Ananias, “Mawu Yesus apan niasiloannu su tangngan dal᷊anna su tempo tuṛṛangnga mattudan Damsyik, ete i Tou nandolo'u rumanta tadea'u tuṛṛangnga wotongnge maasilo apia wuṛṛu maasomba taṛṛinon Ghaṛṛahon Ruata.”

WATTI'U MANGA RASUL 6:6

Siri pitu udde niapidda su manga rasul, see manga rasul udde inumal᷊iomanna wuṛṛu nadorongnga al᷊amattu Mawu rumanta si mangitou.

YOHANES 11:3

Ruang katou tuṛṛangnge namasingkatta Mawu Yesus, “Mawu, tuṛṛangngi yami apan arangnguannu Mawu udde marada'a.”

MARKUS 5:24

Ne Mawu Yesus inaite su sampunna ringanni Yairus. Manambo taumata uatantalongnga si Tou wuṛṛu mannesse'i Tou wuassu al᷊awo'u tampa.

WATTI'U MANGA RASUL 8:17

See i Petrus wuṛṛu i Yohanes nangaddo lima mangitou su manga taumatan Samaria udde; ne i mangitou nanengkampe Ghaṛṛahon Ruata.

WATTI'U MANGA RASUL 9:12

wuṛṛu sulal᷊ummu sondappa udde i tou naasilo sangkatou esakka, aranne Ananias, nirumanta ringanni tou wuṛṛu namita si tou tadea'u i tou wotongnge maasilo apia.”