MARKUS 5:22 - WUKE SUSI WATTI'U AL᷊AL᷊USASSA

²² Nirumantate sangkatou aranne i Yairus. I Tou sangkatou piaṛṛa'u wal᷊em pattataṛṛamawuanna su soa udde. Napawe i tou naasilo Mawu Yesus, i tou inumal᷊intuda su saruan-Ne,

MARKUS 5:22 Referans Kwoze

LUKAS 13:14

Piaṛṛa'u wal᷊em pattataṛṛamawuanna udde namul᷊o, ana waugu Mawu Yesus napaapian taumata su allon Sabatta, ana waugu udde i tou nabbisara su manga taumata, “Pia annummu allo ipammanara; rantate su miallo-miallo udde see iapaapia, imabaṛṛangnga su allon Sabatta!”

WATTI'U MANGA RASUL 18:17

Ne i mangitou nanametta si Sostenes, tembonannu wal᷊em pattataṛṛamawuanna udde, wuṛṛu namuulla si tou su saruannu meddam pamamarikisanna. Arawe Galio ma'ielem wagga su ola'u hatto udde.

WATTI'U MANGA RASUL 18:8

Arawe i Krispus, tembonannu wal᷊em pattataṛṛamawuanna udde wuṛṛu manga lal᷊oṛṛon wal᷊ene nangngimante Mawu Yesus. Wuṛṛu manambo lai manga taumatan Korintus waine naaringikka watti'a apan niapaasingkatti Paulus, nangngimante Mawu Yesus see nissaṛṛani.

WATTI'U MANGA RASUL 13:15

Napawe Wuke Musa wuṛṛu Wuke Manga Nabi niwasate, manga piaṛṛa'u wal᷊em pattataṛṛamawuanna udde nandolokku taumata iapaiwal᷊o si Paulus wuṛṛu manga hawene, “Manga tuṛṛangnga, amungkangngu tuṛṛangnga pia sambau al᷊aṛṛa'a su manga taumata indi, wal᷊oa'e al᷊aṛṛa'a udde.”

LUKAS 5:8

Napawe i Simon naasilo olangnge udde, i tou inumal᷊intuda su saruannu Mawu Yesus, see nabbisara, “Tantanga'e i ya'u, Mawu! ana waugu i ya'u taumata marosa!”

MARKUS 5:33

Wawine udde masingkatte apa apan suete nariaddi su wadangnge, ringannu mangngindo wuṛṛu matta'utta i tou nassubba su saruannu Mawu Yesus wuṛṛu nanga'u al᷊awo'u inolaanne.

SONDAPPA 22:8

I ya'u Yohanes, suete naaringikka wuṛṛu naasilo sarangkanambone indi. Napawe i ya'u suete naaringikka wuṛṛu naasilo udde, i ya'u inumaruutta su saruannu mala'ekatta apan suete namantingiddu sarangkanambone udde si ya'u, wuṛṛu i ya'u ṛinone massubba si tou,

LUKAS 8:28

Napawe naasilo Mawu Yesus, i tou nangintul᷊i see inumal᷊intuda su saruannu Mawu Yesus wuṛṛu nabbisara, “Mawu Yesus, Ana'u Ruata Apan Atanggaṛṛanne! Sarun olaannu ereapa i ya'u indi? I ya'u sumal᷊ande ariewe manansara si ya'u!”

MARKUS 5:38

Napawe i mangitou na'omate su wal᷊en Yairus, Mawu Yesus naasilo mangke uahahio, wuṛṛu naaringikka lal᷊uai wuṛṛu lal᷊allu apan ma'ikkatta.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.